أبيــات يتيـمه ومشـاعـــر لم تكـتمـل ...!! ( دعـوه للجميـع )

[الركام]

يابو لبيب داخـلي كـن بـه ضــو
ولانيب ابين مابدا مـن حـنـيـني

ياكـثـر ماراحـوا وياكـثـر مـاجــو
واكـثـرهم اللي جـرته ماتـبـيـني

لو كـان موجـود ولـه دخـلـة تـو
معـاد يحـضر في كـتابة يمـيـني

اعـاتـبـه لـنـه شـبـيـه من الـنــو
وكتابته تسوى الذهب والثميني

[الركام]

اللي مجربهـا غـدا اليوم خابر
اسنين والا تصير دنياه هرمى

يصبر على حظه ترا الوقت عابر
ماتـطـلـبه تلـقـاه بعدين يرمى

[الركام]

من عـاش في القمة فـلا ينزل الـقـاع
ومن يعشق العـلـيـا تجي موطن لــه

ومن كان ماله في سما المجد مطلاع
يبـقى على طـول الـدهـر في مـحـلــه

[الركام]

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

[Abu Labeeb]

السلام عليكم
شاعرنا الركام صح الله لسانك
وارجوا أن تكون بصحة وعافيه
بشرني عنك؟

[الركام]

وعليكم السلام ورحمة الله وبركاته
صح بدنك ياابو لبيب وحياك الله
انا بخير لكني تسألت
عن غياب ناس ولا تعذر

[Abu Labeeb]

صباح الخير وين انتم عسى ماصابكم كوفيد
م عاد اشوفلكم تواجد ف البراري ليه ياساده؟!

[ابن حماد]

ا لهي اسألك نور بدربي
نهاراصوم عن زادي وشربي

ويوم صير تحت الترب وحدي
فلا والد ولا مولد قربي

اسالك لطف من فضلك.ورحمه
اذا ما بان محصولي وكسبي

[الركام]

ودع الترحـال واقـعـد للـمـقــيـــل
صيـفنا اللاهـب بدا نجـمـه يبين
راح وقــت كـان ذعـذاعـه عـلــيـــل
وحـلـت رياح سـمــوم الـلـه يعين
النهـار يطــول ولا نلـقـى ظـلـيــل
والشــجـر متعـري وحـالـه يشين
لاحراوي غـيــم ولا وادي يسـيــل
والمـيـاه بنـقــص عـند الـزارعين
لا بحر مـوجـود ولا به نهر نـيـــل
يبست الاشــفــاه عـنـد الناظرين
كـل عـام نرقــب الجـو الجـمـيــــل
وكــل عــام تمـضـي ايامـه بحين
مـايدوم الحـال هـذا مسـتحـيــــل
وكــل وقـــت راح يـبـقـى لـه حنين
لا تامـل في الـحــيــاة الا قـلــيــل
ماحـد يبــقـى على مـر الـســنين
من تصاريف الزمن خذ لك دلــيـل
ان مـن فـــيهـــا تراهــــم راحــلـين
ولا تـقـول الوقــت هذا مـايمـيـــل
خـذ تجـاريـب الـزمـن مـن الاولين
كـل يوم يمر يدني من الرحـيــــل
راحــت الاعـمـــار وحـنـا غـافـلين
النـهــار اليا انتهى يعـقـبـه ليــل
والـزمــن دوار وافـــهــــم ياذهــين
عـشـقـنـا للـدار مـانرضى بـديــــل
لو قسى ذا الوقـت وعـيى مايلـين
يالـلـه انك تسقي الدار المـحـيـــل
وتـقلـب ايام العسـر دايــــم بلـين
ويالـلـه انك تفرج الهـم الثـقـيـــل
وترحـم اللي عايش فيهــا حـزين

ابراهيم بن سعود الخريف