يا وجد عيني شوفة أمي على حيل *** وأضمها لين الضلوع تحماها

[الوااا(بالله)اااثق]

أمي

ياوجد عيني شوفة أمي على حيل..
وأضمها لين الضلوع تحماها...

ياللي لك أم تشوفها صبحاً وليل..
أطلب من الله دووم تلحق جِزاها...

البِر ما هو حكي ربع وفناجيل..
البر إليااا رَضّيَت يسدّك دعاها...

لبيه سمي وأبشري وأسبق الخيل...
في حاجة أمك يوم تسمع نداها..

تكفى تماكن مابقى وأحذر تميل...
قبل تغيب الشمس ويجف ماها...

الحق على باقي العمر جنب الويل...
أحذرك عينك لاتسبب عماها...

لاتصير في بذل العطى لأمك بخيل...
أجزل لها المدآت عن من سواها...

وأحذر تعق أمك بقطع المواصيل...
لا أبطيت عنها كدّر الشرب ماها...

أجلس وعطها العلم دقه وتفصيل...
سولف لها وأسمع حلاوي حكاها...

معها أشرب الدله بحلو الفناجيل...
والله ماينفعك شخصاً سواها...

يحلى لذيذ التمر مع صافي الهيل...
لا من قدعته وعينك تراها...

تسمع دعاها والرضى والتهاليل...
ياسعد عينك يوم تكسب رضاها...

كنك تشوف الوسم لاعقّب السيل...
لامن ضحك سن الغلا في شفاها...

يبرّك عيالك ليا جو رجاجيل...
والبنت تلحق برها مع مناها...

نصيحتي تكفون جيلاً أثر جيل...
الأم.. الأم.. الأم .. ربي عطاها...

مما راق لي

[بقآيآ .. حرف]

ياوجد عيني شوفة أمي على حيل..
وأضمها لين الضلوع تحماها...

ياللي لك أم تشوفها صبحاً وليل..
أطلب من الله دووم تلحق جِزاها..

صح لسان الشاعر وحي الله ذوقك
أخي أبو عبد العزيز
تستاهل الأم
كل التحايا

[عذب الاحساس]

الوااا(بالله)اااثق
صح لسان الشاعر وتسلم يمينك على النقل المميز