ترا العمر باقي لك معه روحه وجيات
ابيات اهداء الى ابو عبدالله
ابراهيم بن محمد الخريف
ترا العمر باقي لك معه روحه وجيات
فشف لك طبيب يداوي الرجل من طبه
فلا تقعدك رجلك عن البر والنزهات
مدام ان لك في البر رغبة وبتحبه
وليا زان وقتك فنحر الهضب له حزات
تمشى مع الوادي ومن هضبه لهضبه
ولا تغلبك افكار وهـجـوس ملـتمـات
تشوش عليك وتقعدك وانت مالك به
اقوله وانا مثلك اخاف العجز لا يات
ولكن بـنـمـشـي لين ياتي لنـا سبـه
هجوس تخلي الفكر مشغول فيما فات
تراها سبايب ضـيـقـة الصدر تلعب بـه
ولا تحسب ان الوقت يمشي على المشهاة
حياة تجي عكس الـطـلـب دوم منقـلـبـه
لو ان الامـاني والسعـادة تجي هبـات
كتبنا الامـاني وكـل واحـد ولـه رغبـه
ولكن علينا الصبر لا حلت الازمات
وكـل علـيـه يدور الـنـصـر مـن ربــه
وتراها سنين تقتفينا وهي عجلات
على غفلة تقضي على العمر تقصر به
ولا بد وان طالت حياة نصير اموات
وموازين اعـمـال خفيفة و ترجح بـه
ابراهيم بن سعود الخريف
|
2025-06-10, 08:18 AM
العرض العادي
