السلام عليكم ورحمة الله وبركاته
والله يمسيكم بالخير
اليكم هذه الجديدة والتى اتشرف بزفها بين ايديكم .
على جـال البراري بـآح سدي
وجيـت انزف مُعاناتي بيدي
اعـبّر عن جروحي للجروحي
اناجـيـها ولا تـفـزع بردي
تـعـبّـر بالنــزيـــف اللي اكــنّه
من اوجاعه تشكل فوق خدي
سبايب مـن رمتـنـي في غلاها
غـلا طـاغي تمـكن و متعدي
جـحيـم الشــوق للترفـة بـلاني
يقول احذر ترى مانـته بقدي
ذبحنـي بالسهـر وارخى عذابه
تردى حـال من قلب امتردي
والى حل الظـلام اللي كـرهـته
اطق الرجل فوق الرجم عدي
اجـاري بالفضـاء حـس الذيابه
انادي ويـن خلي كيف صدي
يرد الصوت من ضلعٍ لضلعي
يروعـنـي بنـبرات التحـدي
والى مـن الفـجــر بـيّـن اصلي
واناجي واحــدٍ مـن همّ شدي
على ذا الحال مـن عشر وثلاثة
تجاعيدي تفوق اللي في جدي
اجـالس غــربـتـي داخـل كياني
وشوفـي من همومي ما يقدي
اخـطــط بالعصا قــافٍ خـنـقـني
وعلى جال البراري بآح سدي
2016-10-31, 02:29 PM
على جـال البراري بـآح سـدي
العرض الشجري