(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

كنت عارف قبل يقرا الحبر صوتي
انّ لي وجهٍ " حَـزَن " من حلم تايه
التفت وامشي على جـرّة سكوتي
ياكثر جهل الكلام اللي ورايه..

[بقآيآ .. حرف]

الجفا و الصد و الوحدة مواجع
أنبتت في وجهي الشاحب سكينة

كل ما قابلت حلم و قال راجع
أدفنه بالصدر .. و أزرع ياسمينة

[بقآيآ .. حرف]

فقدت قيمة قولة ابشر وانا اخوك
مع فقدة آخر طيبين السجايا

تساقط الورد وبقي بعده الشوك
و انا كفيف احساس صافي نوايا

[بقآيآ .. حرف]

من صادق اللهفة إلى حدة : اللوم
وعدي وفا ، شفني هنا عند وعدي
واللي اختلف من وقت فرقاك لليوم
بعدي أحبك .. وأنت حبّيت بعدي.

[بقآيآ .. حرف]

وشلون أبلقى لقى والارض تنبت غياب
رويت الآمال لكنك .. نسيت الصبر !!

ضامي وجوّي كدر ويذلّ ريقي سحاب
إتطقّ كبد السما .. ماطقّ حولي مطر !!

[بقآيآ .. حرف]

يابارد الليل خذني للهدب والنعاس
ماكل ليل براد ونومةٍ مجزيه
امطر على الناس وترابي ملاه اليباس
وافز من وحدتي لاوحيت قرع احذيه

[بقآيآ .. حرف]

مابقى متسع ياصاحبي للجروح
رح عقوبه لقلب انسان عاند زمن

مثل ماذكرياتك روح في الروح.. روح
اشتكي روحي اليا غادرتني لمن ؟!

[بقآيآ .. حرف]

مرّت ثلاثين!! ما مرّت براد وْسلام
خذت من الروح واعطتها: مياتم وعيد
.
تنام وحدك، ووحدك داخلك ما تنام !!
كلْ شيّ حولك، يقول: انت الحزين/الوحيد

[بقآيآ .. حرف]

كان شاعر .. ولا يشعر بما يحتريه
لين لاحت شموس نورها منطفي

يوم سالت جبال الثلج داخل يديه
اكتشف كمّ كان بنظرته عاطفي

[بقآيآ .. حرف]

تقول .. والا ما تقول الرواية
أحيا بكيفي مو على كيف الاموات..
يا صاحبي ما يجعل المبدع .. آية

إلا الوعي

و الموهبة

و المعاناة