متابعة الطقس وأخبار الأمطار لعام 1427 - 1428 (( 8 ))

[أبو خالد]

السلام عليكم ورحمة الله وبركاته

البارح كنت جاي من مكة وكان الجو بارد يعني ما يحتاج مكيف ولكن المشكلة إذا قعدت طول الطريق صاك القزاز بدون مكيف تحتر شوي

وإذا فتحتها إزعاج

وفي النهاية شغلت المكيف

وكانت الرياح على جدة ومكة أمس من أشد الرياح هذا الموسم بل يمكن أشد الرياح تقريبا وهي شمالية غربية

[عبدالرحمن الحربي]

صدقت يابو خالد الرياح يوم أمس كانت أشد شمالية جات الموسم هذا بل ربما العام الماضي ايضا اذكر إنه لا تأتي الشمالية بهذه القوة إلا في المواسم كثيرة المطر الله يكرمنا

[خالد العوض]

[quote=مشاري المطرفي;72932]توقعات يوم الاثنين القادم الله يكتب لنا الي فيه الخير وتصدق التوقعات
اخوي خالد العوض في حاله في هذا اليوم

بأذن الله هناك توقع بأن يأثر منخفض جهة تركيا في يوم 5مارس يعني بأذن الله يوم الاثنين
ويتوقع ان يكون له بعض التأثير وحتى الأن لم يتضح قوة تاثيره على الجزيره العربيه
الا انه يتوقع وبأذن الله ان يكون هناك تقلبات ولانعلم بعد عن شدتها يتبين ذالك يوم الاحد حيث نركز على تقدم منخفض جنوب غرب افريقياء الحار الى الجزيره العربيه ومدى قوة انجذابه لهذا المنخفض
والله اعلم

[خالد العوض]

المشاركة الأصلية كتبت بواسطة الابرق1

الله يصبحكم بالخير جميعا ومبروك الامطار وليلة البارحة هطلت علينا امطار خفيفة وشوهد البرق وسمع الرعد ونقعت الارض ولله الحمد في حريملاء جعلها الله امطار خير وعم بها اوطان المسلمين.ماشاء الله ابو محمد حولنا ليتك سندت تجاه الديرة لمشاهدة البرق والامطار وعلى دربك خذتا فنجال يمال العافية.

الله يبشرك بالخير على خبر الامطار
وخيره بغيره ان شاءالله المره الثانيه نعدي عليك

[هاوي بر]

السلام عليكم ورحمة الله وبركاتة

الله يبشركم بل الخير

وأنا جاي اليوم من الحوطة والله جانا غبار في الصوط يهز السيارة هز

اللهم حوالينا ولا علينا


اللهم اغثنا...اللهم اغثنا..

[مرزوق]

اليوم الرياح الشمالية شديدة ومعها غبار خفيف اخف من عجاج امس

والبر امتلا من الغبار والعشب صار مغبر

عسى ربي يغسله ويرويه بالسيل

[ابوعبداللطيف]

مساكم الله بالخير
انا توي واصل الظهران جاى من الرياض والطريق من مشيت الين وصلت والهوا شمالي قوي وبارد بين 21-19 ولغبار اخف من امس اللهم اغثنا ............امين
واللهم اجمنا واياكم ووالدينا واخواننا واحبابنا وذرارينا والمسلمين اجمعين في جنات الفردوس الاعلى.........امين

[هديب الشام]

الجو اليوم الجمعة ساكن وحار
اليوم منوة راعي الكراوين يشوف الاثر على بعد

[خالد العوض]

المشاركة الأصلية كتبت بواسطة ابوعبداللطيف

مساكم الله بالخير
انا توي واصل الظهران جاى من الرياض والطريق من مشيت الين وصلت والهوا شمالي قوي وبارد بين 21-19 ولغبار اخف من امس اللهم اغثنا ............امين
واللهم اجمنا واياكم ووالدينا واخواننا واحبابنا وذرارينا والمسلمين اجمعين في جنات الفردوس الاعلى.........امين

من ناحيتي اتفائل جداً بالغبار خاصة اذا كان شمالي ووصل الى بحر العرب
فمن خلال متابعتي الارشيف وجدت سبحان الله ان بعد كل ظاهره مثل هذي ب5ايام يتحسن الوضع بشكل عجيب ومفرح
ونقول الله كريم وعسى ان نكره شيء وهو خير لنا
ننتظر النتائج خلال الايام القادمه باذنه تعالى

[هديب الشام]

كلامك هذا يا او محمد يؤكد ما نسمعه من الشيبان ان العج يغسله المطر
مثل ما قال اخوي مشاري