| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2008-08-26, 08:28 AM
|
|||
|
|||
المبشّر قضّبنا السيل .................................. الصمان ....الوسمي 2005م
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين سبق ان كتبت هذا الموضوع ادناه ووعدتكم باكماله واليوم نكمل على بركة الله تبي تقضب السيل ......... اقضب المبشر ( صوت السيل ) والا المشراق المكان الرياض الزمان 16 نوفمبر 2005م الاربعاء قبل هذا اليوم ديمة يومين متواصلين من الامطار على حفر الباطن المبروك الاعضاء اخوكم ابو اسامة وابو عبدالله الفضلي وابوفهد الهاجري اجتمعنا قلبها بليلة في ظهرة لبن مع رشات بسيطة وش رايكم نمشي لحفر الباطن ؟ ابو فهد ..............قدام ......................... آه يامال الشحم يبوفهد..............قرم ابو عبدالله هاه وشلون باشوف يالله مشينا ماتصملون ............ الله من تهوينة الظهر الاربعاء الربع مستعدين والا الربع سنهم ماش حفر الباطن بعيدة ابو فهد على كلمته ابوعبدالله والله باشوف الوالد يمكن يبيني باستاذن منه والله لو انها طلعة تطعيس والا الخرارة والله ما تستاذن الله من الخرطي والله ابوي صاح علي وقال بكرة جمعة عيال عمك وربعك ماهمب نافعينك مهوب نافعك الا عيال عمك تعصى ابوك وتطيع ربعك ياشين ذا الطلعة اللي هذا اولها طيب خل نقعد خلاص مانبي روحة لا اخاف انكم تمسكونها علي الا مشينا ويصير اللي يصير ونمشي اخيرا على بركة الله الحقيقة يوم شفت الدعوى مدحدرة قلت بانصى بهم الحفنة واديور ولكن وش الحل وش الحل حفر الباطن بعيد وابوعبدالله خابرينه ممكن يرجعنا في اي لحظة يعني سكارى نروح لحفر الباطن ونديور يعني نرجع وش الحل الحل عند قهيدان المبشّر ؟؟ الو هلا ابو اسامة وشلونك بخير الحمد لله وينك والله انا طالع للحفر وش يوديك الحفر اشوف سيل امس لالالا لا يارجال السيل حولك وش العلم ابو محمد السحاب شرق زين يم الصمان والامور طيبة رح الصمان رح الصمان ابومحمد الصمان دهر اقولك رح الصمان على مسئوليتي ابومحمد وش العلم العلم الخيال على الدوادمي زين والبرق غرب الرياض بالرادو لكن بعيد والخيال على الوشم طيب والله انّا بخط القصيم يوم يجينا مفرق الثمامة الطوقي ونحدر يمين مع الغانمين المهم سبحان الله يوم اقبلنا على الطوقي ونشوف نصوب نصوب نصوب ياولد اثر السحاب مشرق والله اني على خط القصيم اقول وشف السحاب يشرق اثر الخيال الزين شرق والله ان ابومحمد صادق جعله يسلم هذي اولها ومع اذان العصر يتصل المبشر تلاع اشيقر حدرت وبرد على اللسين بالمستوي والله ونشوف المزن يسدي مع القلبة بدوار الحفنة ونتغدى ونصلي ونحدر يم دوار التنهات الا ونشوف نفيل وسحاب والا وتجيك ذيك السحابة عجلة عجلة برقها يرهش ياولد الحق الحق ونطيح باثرها مطر طيب النفود رويان رويان وترتفع المعنويات والامبير الى الكي ام ويقلب طبلون المعنويات الصمان الصمان وتغيب الشمس والبرق يرهش على الصمان الجنوبي وتظلم الدنيا والبرق حاق على جنوبيات الصمان ونوصل الرفيعة وتجي العلوم تمير الشعب سيل وشلالات وندخل الرفيعة امطار غزيرة مناقع منا ومنا ونتعشى بالديرة ونتطرف ونرقد والبرق نشوفه جنوب شرق ويوم قمنا نصلي الفجر الا الفرش مبتلة والضباب يحجب كل شيء والرذاذ متواصل والارض رويانة والموتر انغسل والربع ناموا وشبعوا نوم ويقومون ونفوسهم فوق فوق مع السحاب واشب ذيك الضوية مع الفجرية وعيالن شقردية في ليلة وسمية ونصلي ونتقهوى ونسوي تمارين صباحية من الخبال واح تنين تلات ابع واحد اتنين ثلات ابع ههههه ونتنشط للعسعسه والاستكشاف لمواطن البرق وننصى الرفيعة ونفطر ونعين من الله خير المهم ابو عبدالله كالعادة طلع لنا بطلعة قال يالربع انتم مستانسين وانا ما ارتحت وابوي زعلان طيب وش تبي تبي نرجع مشينا لالالا ابي اصلي استخارة واشوف ويصلي استخارة نصف ساعة ونحتري ونحتري ونحتري هاه وش تبين لك والله يالربع شفنا خير وعينا خير وابوي ما ودي يزعل مرة لو الحق عليهم بالاستراحة لو غدا او عشاء واسلم على عيال عمي اللي تبي يابوعبدالله انت الامير متى ما خلص التايمر علمنا وندز جنوب يوم تعدينا الرفيعة 25 كم ونشوف الحزوم محدرة من يمينك ويسارك المهم يوم وصلنا شوية ونفرق يسار يم وادي مبهل وفياض المعترضة وام المصران وشقران والبلدية وغيرها من ديار الخير يا الله ونشوف السيل ناقع بالفياض والمطينة في الصمان وندور بالصمان فيضة فيضة والله ما شفنا عساس وجساس الا راعي واحد وغنيماته يازينهم زيناه يازين الصمان لي صرت بلحالك ونصور وننبسط وفي قمة الفرح والبهجة ينقطع الكفر وش العلم حصاة لا حول ولاقوة الا بالله يا الله الاستبنة خلفية ومسكر عليها بالمفتاح ولا فيه ارسال والمفتاح يعرف مكانه اخوي وش الدبرة القفل قوي مش معقول نمشي على الجنط حتى عدة العتلة مفقودة والله المغامرة المهم ربعي ما شاء الله بسطة في الجسم ويتناوبون على الاستبنة بالقطامة ويوم قطموا القفل تقطيم وش يفكني من اخوي ويقوم ابو عبد الله من الحماس يبي يرجع لأهله ويرفع العفريته بالزرادية في عمل شاق جدا جدا جدا وبطيء وكل شوي تفرط والله ونغير الاستبنة ونحدر يم اهلنا سالمين غانمين مبسوطين والفضل لله اولا واخرا ثم البركة في ابومحمد المبشر الاستاذ المبدع يعني تبي تقضب السيل اقضب المشراق والا المبشر لا تتعب نفسك .................................................. .
|
|
#2
2008-08-26, 10:57 AM
|
||||
|
||||
|
الله يعطيك العافية 00 هذي السوالف اللي توسع الصدر
|
|
#3
2008-08-26, 03:04 PM
|
|||
|
|||
|
مشكور أخوي أبوأسامة
|
|
#4
2008-08-26, 03:08 PM
|
|||
|
|||
|
حياالله الحبيب الغالي ابواسامه نورت البراري ويازين سواليف المطر والمطارد وراه ..
|
|
#6
2008-08-26, 03:53 PM
|
|||
|
|||
|
وعليكم السلام ورحمة الله وبركاته ههه حلوة واحد إتنين تلات أبع يحقلكم تسون تمارين مع الصبح لأن النفس مبتهجة وش يلي أبهجها؟؟؟؟ الجو الجميل وزود على ذلك الربع النشامى شرواك بارك الله فيك يا أبو أسامة وفي من معك وجازاك الله خير الجزاء.
|
|
#7
2008-08-26, 03:57 PM
|
|||
|
|||
|
هذا السرد الجميل يجعلنا معكم في القصة
|
|
#8
2008-08-26, 07:47 PM
|
|||
|
|||
|
يابو اسامه مشكوررررر
|
|
#9
2008-08-26, 09:59 PM
|
||||
|
||||
|
وعليكم السلام ورحمه الله وبركاته
|
|
|
|
العرض العادي
