اخر متابعه للمنخفضات يوم الجمعه 14-4-2006

[خالد العوض]

السلام عليكم ورحمة الله وبركاته
مساكم الله بالخير يالربع
الحقيقه كلنا نترقب المنخفض وندعو الله ان يكون منخفض خير ورحمه علينا المسلمين اجمعين
والحقيقه ان هذا منخفض اعتقد والله اعلم انه من افضل المنخفضات التى تمر علينا هذا الموسم حتى الأن اقصد الايام هذي ولايدخل في ذلك منخفضات الشتاء
بعضكم يقول وشلون حكمت او وش يدريك اقول والعلم عند الله اول شي هو نشاط منخفض السودان نشاط( مباشر)و مبكر ونلاحظه الأن شرق تبوك وعلى الحدود الشماليه يعني قبل وصول المنخفض بوقت كثير مما يزيد من الرطوبه هناك بحيث مجرد وصول المنخفض يكون المنخفض ضخم __ هذي وحده
والثانيه عمق المنخفض على ليبياء ومصر
هذي الصوره مشروحه ونلاحظ ظهور سحب منخفضه بين تبوك وحائل
والباقي مانقدر نميزه لانه فوقه سحب عاليه تحجب رؤية السحب المنخفضه اقصد يعني بين المدينه والقصيم او بين المنطقه الغربيه والمنطقه الجنوبيه الا اذ تكون سحب ركاميه حينه يمكن نميزه حتى لو كان فيه سحب عاليه تحجبها
والله اعلم

[التميمي]

عافاك مولاك والله يرحم والديك ونسال الله الكريم رب العرش العظيم ان يرزقنا من فضله العظيم

[سويتز]

الله يعطيك العافيه ابو محمد """"
الله يجزاك خير على الشرح"""""""

[منصور المناع]

وعليكم السلام ورحمه الله وبركاته

الله يوفقك أخوي أبومحمد ويسمع منك

وتصدق التوقعات ويرزقنا الله من خيراته

ألحوا بالدعاء يا شباب و إن شاء الله ربنا يستجيب لكم

فالصلاة والاستغفار والاكثارمن الاستغفار من اسباب نزول الرحمة ورفع الغضب من الله

[الغربي]

مشكوووووووووووووووووووووووور

الله يجيب الخير

[عاشق الطير]

وعليكم السلام

والله علومك كلها غانمه

الله يجزاك خير ربي يجيب المطر

[عبدالهادي المفرج التميمي]

وعليكم السلام ورحمة الله وبركاته

والله حالة الجو اليوم الهواء نسري وراكده والجو بااااااااااااارد

والسدا يكثر شمال ويستمتن

وما نقول الا يالله التفيق

وما قصرت يالغالي

شوفتك مرة ثانية اسعدت قلوبنا

مشكووووووووووور





سلام

[دافنشي]

وعليكم السلام والرحمة والبركة

هلا بوجه الخير وبقدومك بواشير الخير

الله يعافيك على هالعلوم والاخبار



ليونارد دافنشي

[ابو يعقوب]

الله يجزاك خير ويعافيك على هالشرح وعساك على القوه

ولا تنسانا من المتابعه

[سالم]

اخوي خالد

انا من المتابعين لكل توقعاتك فلا تبخل علينا بتواجدك معنا باستمرار في البراري وانت تسعى للخير وتدور الاجر من الله

فخلك معنا ولا تغلى علينا

اخوك ومحبك في الله سالم