تمنيتك !

[صبح المطر]

السلام عليكم
أسعد الله مساءكم بالخير والمسرات

تحية عطرة بالود والإحترام للجميع


،


دقيقة بفتح الماضي بقلبي وأمزع الآهات
واطيرها مع رياح العتب مع باقي أوراقي
ابعثرها على فصل الجفاف ونبرة اللوعات
وأوفرها على غيم ٍ تلاشى عقب براقي
تعبت آروض أفكاري وأداري ضيقة الهقوات
وأنا اللي صبري الصامت تعذر مني وضاقي
بعذره .. والعتب ما هو وسيلة بأكثر المرات
بهت لون العمر بين الغروب وموعد إشراقي
يا ليت الهم بأعماقي قلم يكتب وله ممحاة
وأعدل نبضي الفايت وحاول اسرق أشواقي
وراجع ما مضى واكتب عزاي لفرحة الأبيات
واخليها على ناي المواجع هجر وافراقي
تمنيتك بعيد ولا أشوف الشوق فيني مات
تمنيتك على صورة خيالي ساكن وباقي
تمنيتك مثل أول غريب وجيتك صدفات
عشان آحن وأسأل لهفتي لا غبت واشتاقي
عشان أبقى على ساحل غرامك وارسم اللهفات
وأعيش الحلم وأبني من شراعه حبك الراقي
ولكن هالزمن شفته بدربي يصنع العثرات
ولا ادري كيف خطواتي توصلني وتنعاقي
عرفت ان الهوى يعصف ويورث للأسى حسرات
يطيح الورد من غصنه ولو فيه الندى ساقي



صبح المطر

[محمد المقاطي]

صح لسانك واعتلا شانك
لاتحرمنا من الجديد الجميل أخي "صبح المطر"
لاعدمنا حضورك العذب
ربي يحفظك

[صبح المطر]

يا هلا وغلا اخوي محمد المقاطي
اسعدني تواجدك ومرورك الراقي
صح بدنك ودام لنا حضورك الجميل
تحيتي

[الركام]

صح لسانك ياصبح المطر
قصيدة جميلة دائما مبدع

[أبو حنان الحفراوي 2000]

صح لسانك شاعر المنتدى صبح المطر

[غانم الضومري]

هلا باللي حـروفه كلهـا جـزلات
جزيل الشعر شاعرنا لها الساقي


دمت مبدعا ..

تحيتي

[ذيب آجا]

مميز كالعادة..صح لسانك..استمتعت كثيراا..ودي

[سراب]

تمنيتك بعيد ولا أشوف الشوق فيني مات
تمنيتك على صورة خيالي ساكن وباقي
تمنيتك مثل أول غريب وجيتك صدفات
عشان آحن وأسأل لهفتي لا غبت واشتاقي


لالالاجديد ابداع متواصل اخي صبح المطر
صح لسانك على الابيات الرااايقة