أبيــات يتيـمه ومشـاعـــر لم تكـتمـل ...!! ( دعـوه للجميـع )

[شطر]

بين ترتيب الحروف وحسها المتناغم
المشاعر كنها في ليلة(ن) شتويه
هاجسي ياهاجسي لرضاه جيتك راغم
جفت عروق الغلا وعدودها المطويه

شطر

[شطر]

تهل السحايب غيثها والرعد رجاس
وعمت جميع ارجا الرياض ونواحيها
الا ماحلا صوت المطر.. يطرب الاحساس
يخلي قلوب الناس تحلى لياليها

شطر

[شطر]

أشرقت شمس الصباح وشعشعت بالديره
والسماء لحن الحياه يلج به طايرها
إنسياب الماء وكنه ماشي(ن) في حيره
مع مخاضير الشغايا أعجبت زايرها

شطر

[شطر]

لو تفارقنا جسد ..أشواقنا تجمعنا
كل بيت(ن ) فيه شطر وفيه شطر(ن) ثاني
لو يضيق الكون كله.. بيتنا يآسعنا
ان تباطيت الغياب بمجلسه تلقاني

شطر

[شطر]

انكتب لي عشقك اللي تهت في طياته
لين صرت اشوف زولك واقف(ن)قدامي
واستثرت الهاجس الخامد وجاب ابياته
بين صفحات الغياب وحبرهآ وآلآمي

شطر

[شطر]

اسعد الله صبح قلبك مع صباح احبابك
يامصبحني بصوتك جعل ما اعدم صوتك
والله اني يوم افارق بسمتك واهدابك
مايصبرني سوى ترديد نظم بيوتك

شطر

[شطر]

انا يوم أحمس البن وآصوغ لي فنجال
وآجر اللحن واقول يالالي يالاله
أنزه جنابي وارتفع عن غثا الانذال
واخلي ردي القول مربوط بحباله

شطر

[عايد]

تـــــعال واطف اللهيب بذايب اعذابك
وابطل سهوم من عيونك رمت عيني

[Abu Labeeb]

ل اجل عايد جيت ل ابياتٍ يتيمه
هو اخو غالي ويعجبني كلامه
،
والمحاول زين والذله هزيمه
ماعلى عايد ملام ولا علي انا ملامه

[رذاذ]

المشاركة الأصلية كتبت بواسطة Abu Labeeb

ل اجل عايد جيت ل ابياتٍ يتيمه
هو اخو غالي ويعجبني كلامه
،
والمحاول زين والذله هزيمه
ماعلى عايد ملام ولا علي انا ملامه

الله ... الله
صح لسانك أنت وعايد حتى ترضوون ..
ننتظر مزيد من الإبداع لكم ..