الكسرة و بحور الشعر .. شعراء البراري

[الركام]

يالله طلبناك ياللي فاتح بابه
يارازق الناس مانرجو حد غيره

غيث سحابه ركام يسيل ماصابه
يعـم كـل الـجـزيرة ديـرة ديـره

[نقا الجمل]

آمـيـن والوسم تـوه ربنـا جابه
والجو عقب الدهر طالت معاصيره

يارب تسقي بلادٍ عشقي اترابه
ويجي سميـك لنا ياطيـب السيرة

[رامز]

لعل غر السحاب اللي حدته الهبوب
اللي سواده يشادي له جناح الغراب
لا شفت حده مع المنشا وشفت النصوب
تقول كن الجبال تمر مر السحاب
يسقي ديارٍ بدا فيها الظماء والنضوب
من بعد ما طول البراق عنها الغياب
حولين مرت ووبل الغيث عنها امحجوب
يبست عروق النوامي في عموق التراب
يارب حنا بجاهك ياعليم الغيوب
تسوق دهم السحايب للفجوج اليباب

[شطر]

يالضومري جعلك الجنه
من بعد غيبتك يآحسره
روحت والقلب يشعنه
قيفآن معك انت بالكسره

شطر

[الركام]

الـضـومري راح لـكـنـه
بـقـا لنا طــيــب ذكـره

اكتب وانا اقول لوانه
حاضر كتب مانتظر بكره

[بقآيآ .. حرف]

الكل ماشي على السنه
الله ينور له بقبره
والعبد لا من حسن ضنه
يأمن من الخوف والمكرَه

[الركام]

هبت هبوب من شمال
باقي بعد شوف السحاب
معاد للقعده مجال
لياصار جو البر طاب

[بقآيآ .. حرف]

يارب ما شيٍ محال
تسيّل أرضه والهضاب
ويصير بالجو أعتدال
مخالطه مزن ورباب

[بقآيآ .. حرف]

يابرد لا تكسر عضامي
أرفق على روح تعبانه
هاجت بحور التسونامي
والكل غرقان بحزانه

[الركام]

البرد ان جا بعدضامي
والارض للماء شفقانه

ضاعت ترا كل الاحلامي
ونال العطش قلوب ولهانه