دكة الشيبان

[سمو المشاعر]

يادكة .. الشيبان . جيناك لافين
نبغى نفضفض عن هـمومٍ دفينه

تكفين. يا دنيا الشقا بالله تكفين
عيدي لنــا . مــاضي لنا فاقدينه

[ابن حماد]

دكة وفاء تجمع من الناس غالين ...... اهل الوفاء واهل العلوم الثمينه
مجـــالسٍٍٍٍٍٍٍٍٍ يقرى بها بالصحيحين ...... تنزل عليـــــه المغفره والسكينه

[سمو المشاعر]

صدقت ياماشي على السنة والدين
والأصــل طيب ســـاسكم خـابـرينه

وانعم بباقي الصحب ما فيهم الشين
قــروم مــن نسـل الرجـال الفــطينه

[غانم الضومري]

حنا كبار العمر والعلم والديـــــن
ودرب الوناسه كلنـــا عارفينــــه

يفز قلبي يوم أشوف المزاييــــــــن
وأفرح لصوت ألنجر مااحلى رطينه

وحوران والا فارسي كامل الزيــــن
لا شافــــه الملبد يغمـــــض بعيــنـه

هذا علاج النفس والقلب والعيـــن
بران حبي ما أحب المدينـــــــــــه

[الركام]

ياحيكم وانا بعد زود ولهين
ياهل العلوم الطيبة والثمينة
الله يعز ديارنا قولوا آمين
ويرجع ديار العرب يم دينه

[غانم الضومري]

المشكله جارٍ يحد السكاكين
يخفي العداوه كلنا عارفينه

إيران يخفي شر ومغلفه دين
العلقمي تراه هو ساس دينـه

من دخل التتار وسط المحبين
اللي وطى الوالي برجله يهينه

[الركام]

لو اتحدنا واتفقنا على الديـــــن
الملتزم بالدين ربي يعينـــــــه
لكن بلانا همنا المال شفقيـــــن
شفقين نجمع مال وسط الخزينه

[غانم الضومري]

ياليتنا ياعرب ياليـــــت
دوله وسلطانها زاهــــد

يرفع علم غايته للبيـــــت
وناقف معه صف ونجاهد

[الركام]

لانيب حي ولاني ميــــــــــت
من شين ماصرت انا مشاهد
مليت انا من الزمن مليــــت
من ناس تنقض وتتعاهــــد

[غانم الضومري]

عندي عراوي وتنقص زيت
ما تشتغل كود بملاهــــــــد

لا شفت موظف معمر بيت
معقول عنده وهو شاحــد

عزيت نفسي ولا عزيــت
ضاع الأمل والله الشاهد

أية عروبة وأيت زيت
خسران من عاند الجاحد