دكة الشيبان

[الركام]

جيت اعايدكم لقيت البيت خالي
كان غبت وطال صدي فاعذروني

مايجي لي خاطر اجلس لحالي
وان رجعتوا فالله الله فاخبروني

[بقآيآ .. حرف]

كم صديق وكم حبيبٍ ما يبالي
في جفاهم والتواصل حيروني
مره أحلى من عسل سدرٍ وحالي
ومره العلقم شربت وشربوني

[الركام]

ليتهم يدرون وايش اللي جرالي
بعد ماغابوا ونسيوا ماذكروني

ماحد في البعـد والفرقـا بسالي

كان به رجـعـة قريـبـة بشروني

[ابن حماد]

الليالي من قديمات الليالي
طبعها التفريق وخلاف الظنوني

بين غالي يالركام وبين غالي
حل مدري حال به ريب المنوني

بشرونا جعلكم في خير حالي
ولوصل لو قل مني سامحوني

[الركام]

غالي من جا ومن رد السؤالي
يوم قال اني بطيت وسامحوني

يابن حماد مدامك جيت غالي
ليتهم يوم اذكرونا يحضروني

[الركام]

كـان مـارديــت عـذرك في الـغـيــاب
واعـتـذرت وقـلـت يكـفـي مـامـضـى

فاعـرف انك جـبـت لي هـم وعـذاب
ضاقت بي الارض وضاق بي الفضا

[سمو المشاعر]

السلام عليكم ورحمة الله وبركاته
وبعد كل عام وانتم بخير وعافية وسلامه انتم ومن تحبون نحن نسأل عن احوالكم الكريمة عساكم بخير نحن بخير طالما مازال هناك نبض
طمنونا عنكم جميعاً

سيفنا مغمود لاحد النصاب
هو تروا معد الكم حتى الرضا

واسمحونا في الحضور وفي الغياب
للظروف احكام بها القاضي قضا

[ابن حماد]

منهمل ونهل هملول السحاب
والرعد به لج والبراق ضوه يومضا

ياسلامي لرجال اللي له قدر وحساب
ياعسى سعين سعيتوا فيه موجب لرضا

[الركام]

المشاركة الأصلية كتبت بواسطة الركام

‎
دكة الشيبان جلسة كـل شـايب
مير مابالـموت يعطـيـنا مجــالي

كل وقت نودع اصحـاب وحبايب
من رحل ميت ومنهو حي غــالي

كلكم في البعد سبـبـتوا سبايب
يشهد الله عقبكم مانيب سـالي

ان بغيت الحي دربك به صعايب
وان بغـيـت تقابل المـيت محــالي

الفراق يعـد من احــد المصــايـب
منه تاخذ لونها ســـود الليالي

كم عرفنا من صديق ومن قرايب
وكم ديار عقبهم صارت خـوالي

تالي الدنيا تعــود للـخـرايـب
وكـل مـخـلــوق مـرده لـلـزوالي

مابهـا لذه ولا بالعـيش طـايب
ومابها حـالي وتاليهـا ارتحالي

سعد منهو قبل موته كان تايب
مستعد وحـاضر عند السؤالي

الركام

تذكـرتكــم والذكـر مايجـبـر المنصـاب
تذكــرتكــم واقــول يازيـن وقـــت راح
تذكرتكم والذكر يصعب على الاصحاب
وعرفت ان دنيانا بها الحزن والافراح

[ابن حماد]

دكت الشيبان منها الرأس شايب
شيبتبي يالركام وضاق بالي

وهلت العبرات يبكن كل غايب
كل شخص له مقام وكان غالي

كل حين مسكنه بين النصايب
لو يطول الوقت تفنيه الليالي

وماجمع يروح من بعده نهايب
مالك الا مافعلت من الغوالي