أبيــات يتيـمه ومشـاعـــر لم تكـتمـل ...!! ( دعـوه للجميـع )

[الركام]

ودع الترحال و اقعد للمقيل
صيفنا اللاهب بدا نجمه يبين

راح وقت كان ذعذاعه عليل
وحلت رياح وسموم الله يعين

النهار يطول ولا نلقى ظليل
والشجر متعري وحاله يشين

مايدوم الحال هذا مستحيل
وكل وقت راح يبقى له حنين

الركام

[بقآيآ .. حرف]

النوايا بيض واحﻻمي تضيع بﻻ سبب وارتحالي حان عن درب تعب فيه

اقدمي

لعلها تكتمل قريبا

بقآيآ .. حرف

[الركام]

الحمدلله على كل حال


ناس بياض الثلج كاس وطنـها
وناس من الغبرات تـعقد لطـمها

قلته وانا راضي ولا رحت عنها
هـي دارنا الله يثـبـــت عـلـمـهـا

والله يغـيـث بلادنا ومن سكـنهـا
تصفي من الغبرات وتكثر نعمها

[بقآيآ .. حرف]

ساقت الذكرى لياليها القديمه
وامطرت من غيمها كل الهموم
وعيشة اﻻحزان صارت لي مديمه
والفرح في دنيتي قفا امهزوم
ومن بعدها صارت بدنياي غيمه
ليتها غيمة مطر لكن هموم


.

بقآيآ .. حرف

[رذاذ]

صآدرك حبي و ضامي الحرف وآردك
وأعطيك من أيام عمري لـ سنينك ،،،

إي والله إني عالعشق جيت أعآهدك
ما يوم أرحل عن فؤآدك وعيـنك ،،،


رذاذ

[بقآيآ .. حرف]

عطيتهم كل الوفا واخذلوني
عطيتهم قلبي وقفو مع الغير
ومن يوم مات الحلم لا تنشدوني
ما عاد تفرق لو تزيد المخاسير

..
.
بقآيآ .. حرف

[عايد]

مشرفتنا وسيدتنا الكريمه رذاذ
اشكر لكِ هذا الموضوع واشكر لكِ سيدتى تفاعليكِ الكريم

[عايد]

يامن يقول إني على الناس مخفيت
قصة غرامي يوم خلي نســــــــاني
اقرب قريب للي من الناس فالبيت
مايدري عن اللي بالهوى قد بلاني


عـــايــد

[رذاذ]

التواجد الجميل والرائع منكم
أستاذ عايد ومن جميع الشعراء
.. أنتم المكسب الحقيقي لنا ..
حفظكم الله

[رذاذ]

،؛،؛،

وش حيلتي لاضاق صدري ومليّت
تعّبت قلبـي وأنت طـوّل غيــابـك ..

وش حيلتـي مـادآم عنـيّ تخلـيّـت
وعجزت أكفكف دمعتي عند بابك ..

سافرت عني دون رحمه وصدّيت
مدري كذا وشلـون تفقد صوابـك ..

العيــد مــرّت ماأذكــر إني تهنّيـت
بأيامهـا كانت عطـش مع سرابـك ..

أسهـر وأبكي كلّ مارحت أو جيت
صعبه أكـذّب خافقـي في رحابك ..

ماجاب حزني فايده يوم ناديـت
والله ولا دمعي ولا الشـوق جابـك ..


رذاذ