(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

‏رحت منه عاد في صدري كلام واجد
لاقدر يفهم بعضه ولا قدرت أقوله ،،

انتهى المشوار وأنت الغايب المتواجد
كلنا في معركة حلمه خسر له جوله

[بقآيآ .. حرف]

‏اللي يحسب إني اجي له على ما يبيه
عزالله إن روحه أخطتني ولا قدّرت
.
لو أن موتي بكفه والحياة بيديه
ولو ان دمعة غلاه من الجفا حدّرت
.
أنا أنا ماني بغيري ولا لي شبيه
لا ضيّقت صدري الصدّة ولا كدّرت
.
يحسبني اروح من عنده وأعوّد عليه ؟
هو مادرى البدو لا من صدّرت صدرّت

نواف التركي

[بقآيآ .. حرف]

‏في جنة العزله كرهت المسايير
و ارتحت فيها لين طفّت حماسي
،
صار الشجر لو هو ملاذ العصافير
يخاف ظله يشتبك مع يباسي

صالح البلوي

[بقآيآ .. حرف]

‏ذاخر لكل فرقى دمعتين و قصيدة
و ضحكةٍ ذابله لجل الصديق المواسي
،
هم يعيدون فرقاهم و انا الحزن اعيده
لا جفاهم يلين و لا خفوقي بقاسي
،
كيف احذّف صورهم ؟ لعنبوها عنيدة
نصها وسط قلبي و نصها وسط راسي

صالح البلوي

[بقآيآ .. حرف]

‏لاتذكريني لاتناخنّ الاحلام
صبيني للنسيان ، ترتاح عيني
ابتقاضى للندم واشرب ايام
وابتشجّر خوف بيني .. وبيني
مو حيرتي هذي ، ولا قسمي اوهام
ابيك ، لكن واقعي مايبيني
لو كنتي التهليل في وجه الاصنام
انا لقيت الله .. داخل يقيني
لاتحتريني كلها ليل وتنام ..
.. عينك ،
واعلّق في هدبها حنيني

عبدالله الروسي

[بقآيآ .. حرف]

‏صبحين مروا .. يسألون وجحدتك !
من قال لك تلبس ليالي ،، وتقفي ؟

عبدالله الروسي

[بقآيآ .. حرف]

‏مو محال الحب
لكن مستحيل
اقطف المذبول لانهد السياج
وان نوى قلبي عقب ذكرىٰ يميل
تشتعل بي وحدتي نار احتجاج !

عبدالله الروسي

[بقآيآ .. حرف]

‏يا سائس الخيل قم للخيل وانحرها
ماحاجة الخيل والفرسان قد ماتوا

[بقآيآ .. حرف]

‏مروا البال لا صار اللقا مستحيل
واجبروا خاطر العشره بصدفة لقا

غايبيني عشان الملح ردوا الجميل
وارجعوا مو حبايب .. ارجعوا اصدقا

نواف السويط

[بقآيآ .. حرف]

‏أما عن القلب وأوجاعه فلا تسألين
"في ذمة الله" من صَحْوه إلى مرقده

أنتِ شقاك وعذاباتك بما تملكين.
وأنا شقاي وعذاباتي بما أفقده!

محمد السفياني