(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

‏وتمر الايام الحزينة ، وبالي :
ما بين ذكرى ، وارتباكه ، وتفكير ..

رحتي وخليتي لي الصبح : خالي ..
لابه شجر أخضر .. ولا به عصافير .. !

[بقآيآ .. حرف]

انا اتسلف حضوري من غيابك واغيب
غيابك اللي غدو فيه الضحى من غدو
دايم تقولين وصلك يا غناتي قريب
وانا بدوي وادري ان وصلك قريّب بدو

[بقآيآ .. حرف]

‏يا سقف الاحلام طاح اللي عليه الكلام
ما عاد انا حمل لاحساسي وحمل اسئله
:
وش حيلة النور والدنيا تمدّ الظلام :
مع كل ليلة غياب | و كل ليلة وله ؟

[بقآيآ .. حرف]

‏يربك الليل صدرٍ من مواجعْه فاض
وش يسوّي ، من عزاز البشر خانته ؟

ما لقلبي على المقفين ، أي اعتراض
و الله المعطي اللي رجّع آمانته

[بقآيآ .. حرف]

طافت سنين العمر والقصد ما تم
وافز له لبيه لوحيت داعيه

[بقآيآ .. حرف]

‏" وان أنكر الدرب رجليني وعاف الرصيف
دوّرت لي غيمة ٍ ترقى السلالم ... سما

عذروب هالناس ما تبغى الشعور العفيف
تركض ورا هالسراب و تنخدع بالضما "

مناحي النفيعي

[بقآيآ .. حرف]

‏"لو عشت تستر خطاياهم بثوب السماح
بتشوفها من طرف كم الليالي.. تويق".

[بقآيآ .. حرف]

‏طاح من صدري مبادي ومن جنبي حزام
قلت لصدوف الليالي وقالت لي فدا

كان فالشكوى تردّي وفالحاجه ملام
والله أنّي ل أدخل القبر ماجاني ردا

[الركام]

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

[بقآيآ .. حرف]

‏-

جيت أقول الكلام اللي بصدري و أروح
للضياع .. و ضياعي عقبك أربع جهات !

في عيوني دموع و في خفوقي جروح
و المشاوير من صمت لذبول لشتات !

كنّي اللي عجزت ألقى بدونك طموح
وإنت واقف ما بين الجاي و الذكريات !

ما بقى من رحل صوتك .. للأيام روح،
ولا بقت ضحكة و ليلة شعر و أمنيات!