الطقس لشهر شوال لعام 1428هــ (3)

[حد الشمال]

المشاركة الأصلية كتبت بواسطة هديب الشام

تسلم اخوي ولد حريملا هذا الكلام الصح رحمة الله اقرب من كل شي وانا متاكد ان اكثر الذين يضهرون القنوط من رحمة الله يريدون المطر للوناسة والكشتات والفقع ما دروا ان فيه ناس هجروا قراهم وتركوها خاوية بعد ما جفت الابار وماتت الاشجار عندنا جنوب حائل ازمة مياه لايعلمها الا الله الناس بلشت بارقابها وتركت الحلال اللهم أغثنا الغيث والرحمة ولاتجعلنا من القانطين

ياخوي هذا من منظورك انت كل الناس لها مزارع ولها حلال وحنا من الناس اللي عايشين على الله ثم على الحلال ولو مات متنا معه وكلمة قنوط يجب ان لاتقال بدون مبرر انا قلت توقع وانشاء الله يكون العكس ولعلمك انا كتبت التوقع وعندي توقعات اخرى تفيد بتحس الاحوال خلال الثلاث ايام الجايه 0

[عبدالهادي المفرج التميمي]

المشاركة الأصلية كتبت بواسطة برق السحاب66

ياناس ذبحنا الجفاف ؟؟؟؟؟؟؟؟؟؟؟؟؟

لا تيأس اخي من رحمة الله
فرحمته وسعت كل شيء
وامره بين الكاف والنوووون
ولا راد لقضاء الله
لكن ابشر بالخير بإذن الله تعالى


سلام

[ولد حريملاء]

المشاركة الأصلية كتبت بواسطة مراسل مكه المكرمه

اخواني اعضااء البراري الحبيبه

السلام عليكم ورحمة الله وبركااته

فقدنا اخ لنا من القصيم الحبيبه

الاخ العضو الخلوق ((النصوح))

انقطع عنا فجاءه نتمنى انه بخير وعاافيه
وان شااء الله نفرح برؤية مشاركه له يااارب

الله يهديك اخوي مراسل مكه

اول ما قريت البدايه خفت

الله يرده لنا بالسلامه .. مشتاقين له ومشتاقين لرصده الجميل ومعلوماته والوفيره

يازين مداخلاته مع اخي ابو محمد .. بحق يثري المواضعي

إن شاء الله يعود لنا بإذن الله

[المزن]

المشاركة الأصلية كتبت بواسطة برق السحاب66

ياناس ذبحنا الجفاف ؟؟؟؟؟؟؟؟؟؟؟؟؟

ان مع العسر يسرا

لن يغلب عسر يسريين

املنا في الله بعد الشده الفرج

[أبو مبارك]

[COLOR="Blue"]لاتقنطو:no: بأذن الله هناك توقعات امطار على جنوب الرياض ووادي الدواسر ويمكن يمتد اكثر وحائل والغربية وشمال غرب والله كريم والخير قررررررررررررب بأذن الله:: [/CO]

[ولد حريملاء]

ماشاء الله تبارك الرحمن

الله يتمم على خير اخوي فيصل ... مشكور على جهودك بارك الله فيك

إن شاء الله الفرج قريب بإذن الله

[السديم]

المشاركة الأصلية كتبت بواسطة حد الشمال

اعتقد والله اعلم ان السنه هذي من اشد السنين جفافا على المملكه وخاصة الشماليه لكن نقول الله كريم وماعند الله قريب

اخوي حد الشمال الفرق مابين العام والسنه بالنسبه لعرعر لاني ان وانت من سكانها ان العام الامطار اتت مبكره وكانت

غزيره وارتوت الارض منها وسالت اكثر من مره سوالي هل اتى ربيع .........كان الربيع ضعيف جدا في الجهه الشرقيه

لعرعر يكاد لا يذكر ....اما السنه ذي فالامطار خفيفه لم ترتوي الارض منها ولكن اعتقد والعلم عند الله ان السنه هاذي

راح تكون افضل من السنه الماضيه .... وانتظر بعد تاريخ 10 نوفمبر اي تحديدا في 12 نوفمبر فهناك توقعات على


مناطق الشمال بامطار غزيره والاحلى فيها انها متتابعه بحول الله وقوته وانا اقولها من واقع خبره ومتابعتي لحاله الجو


السائده حاليا...... تذكر الذي قلته لك وتابع الحاله في التاريخ الذي ذكرته والله يكتب الي فيه خير...

[سامي2006]

السلام عليكم ورحمة الله وبركاتة
بارك الله في الجميع وصح لسانك ياولد حريملاء على كلامك
اما انا تعلمت درس قبل سنه من رجل كبير في السن جزاه الله كل خير
كنت انا واحد اقاربي وهو مثلنا يحب المطر فرحانين ومبسوطين لان المطر كان قريب من المدينه ودخلنا بقالة صغيره وكان يبيع فيها هذا الرجل فلاحظ الشايب فرحتنا وسالنا ليش فقلنا له السبب فرد علينا بالحرف الواحد **ياولدي المطر جاي جاي اذا ماهو اليوم بكره بعده بعد سنه لكن الكلام مين يلحق عليه**
ومن بعدها بطلت العجله لانه صحيح يمكن ما الحق عليه وعلى العموم انا متفائل بالخير

[حد الشمال]

المشاركة الأصلية كتبت بواسطة السديم

اخوي حد الشمال الفرق مابين العام والسنه بالنسبه لعرعر لاني ان وانت من سكانها ان العام الامطار اتت مبكره وكانت

غزيره وارتوت الارض منها وسالت اكثر من مره سوالي هل اتى ربيع .........كان الربيع ضعيف جدا في الجهه الشرقيه

لعرعر يكاد لا يذكر ....اما السنه ذي فالامطار خفيفه لم ترتوي الارض منها ولكن اعتقد والعلم عند الله ان السنه هاذي

راح تكون افضل من السنه الماضيه .... وانتظر بعد تاريخ 10 نوفمبر اي تحديدا في 12 نوفمبر فهناك توقعات على


مناطق الشمال بامطار غزيره والاحلى فيها انها متتابعه بحول الله وقوته وانا اقولها من واقع خبره ومتابعتي لحاله الجو


السائده حاليا...... تذكر الذي قلته لك وتابع الحاله في التاريخ الذي ذكرته والله يكتب الي فيه خير...

هلا اخوي وجاري السديم والله انا مؤمن بالله وهول القادر على ان يقلب الجفاف الى امطار وكلامك صحيح ولا فيه غبار لكن هل تاخرت الامطار الى مثل هذا الوقت او التاريخ الذي ذكرت وصار ربيع تقريبا مره وحده بس هي ( سنة ربيع الدمنه ) وهذي ذكرها جدي الله يرحمه حدثت في عهده وللمعلوميه هناك توقعات بالامطار على الشماليه قبل التاريخ الذي ذكرته لكن هذي مجرد توقعات شخصية لي اتمنى من الله انها ماتصير لاني اول المتضررين من الجفاف تدري اني اجلس على الكمبيوتر اكثر وقتي اتابع السحب لحظة بلحظه وهذا اللي خلاني اتشائم 0
عموما ان شاء الله مايصبح الصبح علينا الا والاخبار تجينا بالسيول من جميع انحاء المملكه

[حد الشمال]

بعيدا عن التشائم شوفو الرادار وش لاقط اضن انه مخبط