(¯`•._.•[(.... بقآيآ .. حرف .... )]•._.•´¯)

[ابو سلطان العتيبي]

شوق
اشتقت والمشتاق يجتاحه الشوق
مثل اجتياح السيل وادي حنيفة
يشق صدره شق ويسيل الموق
لى هبّت رياح الغرام العنيفة

***

[الركام]

يا كثر ما قلنا على الجرح لا باس
و الوقت يكرب من شقانا حزامه

طابت خواطرنا من الوقت والناس
ما عاد نبغى الا الستر و السلامه

[الركام]

يارب سامحني ، قبل حزة النوم
وَ أغفر خطأ نفسي و زلـه لساني

ما فيه من يضمن بعد نومه يقوم
مدام كل اللي على الارض فاني

[الركام]

يا لوع قلب الشقاوي لوع
غصنٍ تميل الهيافا به



https://t.co/Al9OGMdgbT

[بقآيآ .. حرف]

بعض المواقف ياصليب الراس ماتذهب سدى
والرابح اللي بعـد هالموقف كسب لـه فايدة

عرق العتب واللوم في وسط المحاني ماهدا
ينبض .. ونبضاته على قلب النداوي زايدة

والخاطر اللي ملّ من صوتـه وترديد الندا
عاف المراح .. وذكّر الرّاوي عصور ٍ بايدة

دام الخبر يكشف من المعنى غموض المبتدا
بازلّ دلـة موقفـه وسط الظروف الكايدة

حادي حداني للحدود اللي عليها ماانحدا
يومـه قطع درب ٍ مشينابـه بفكرة رايدة

ليتـه تعنّى للورود اللي يزيّنها الندى
كان اعذره .. واقول ونّـة بالعنا متزايدة

[تناهيد]

حنا لقانا سكات وفراقنا سكات
فينا الكلام اهله من القاع شدو !

انا جبال ومزن وارض وسماوات
وانت وجيه مسافرين وتعدو !"

[بقآيآ .. حرف]

علمـوه إني عطيت أيامه السـود / ظهري ށ
وجيت أبي فرقا الجروح ودربه اللي يسكنه !••

دامني لا طبت .. يلعن طيبتي !! و أنا بـري ށ
خلوه لا غبت عنّه ( يلعن .. اللي يلعنـه ) !••

[الركام]

حتى ولو ودك تجي لا تجيني
ضيّعت ما يكفي من العمر وياك

محتاج أعيش اللي بقى من سنيني
ما أفكر بـ وصلك ولا أخاف فرقاك

[الركام]

لا غبت عنكم بالمراسيل ۆابطيت
وصدت بي الاشغال عن كل غالي

لا احد يقول انك علينا تغليـت
لا والله الا من ظـروف الليالي

[تناهيد]

الصخب عيب المدينة والسفر مثل الهروب
والتعب لاصرت تسمع صمت جرحك ثرثره

والصمت حاجز لو هدمته بيننا تحيا شعوب
لكني اخترته سلاح إن ضاق صدري أشهره !