متابعة الطقس من 1 - 5 / 1 / 1432 هـ الموافق 7- 11 /12 / 2010 م

[طقس بحرة]

الحمدلله امطار خير وبركه

يالله تصبحون على خير .

[النجم الأخضـر]

المشاركة الأصلية كتبت بواسطة سفير الحيا

والله عقب اللي صآر آلسنه اللي رآحت وأنا مايهنآني آلنوم في جده .. لكن وش أسوي هذي دورة العيشه ومطارد آلدنيا الله يكفينا شرّها

شفت المطر الي جاء بين رابغ ومستوره لو صار مثله على جده كان يحدث ما لا يحمد عقباه بس الحمد الله ربك سلم وإن شاء الله أمطار متوسطه تجيها

[أنشودة المطر]

تتوقعون هل ستعود الامطار ؟
ونداوم بكره بجامعة عزوز ولا يشيلنا السيل

[سفير الحيا]

المشاركة الأصلية كتبت بواسطة النجم الأخضر

شفت المطر الي جاء بين رابغ ومستوره لو صار مثله على جده كان يحدث ما لا يحمد عقباه بس الحمد الله ربك سلم وإن شاء الله أمطار متوسطه تجيها

قول خير يآرجل.. الله يرحمنا برحمته إن شاء الله.. وتصبحون على خير يالربع والله ودي أمرح عقب مابغيت أروح فيها

[النجم الأخضـر]

المشاركة الأصلية كتبت بواسطة جدةالمروة

والله يا النجم الأخضر لو تهاجر المريخ رح يجيك الموت رح يجيك,لكن فيه فرق لما تموت و أنتا مرتاح وكنت تذكر الله,ولما تموت و أنتا على معصية ,,يا أخي أهل جده أغلبهم نشامى و أبطال إلا ما رحم الله وأنا عايش فيها من 25 سنة حتى من قبل ما يزفلتوا الطرق ..ما تخاف عليهم بقدر ماهم يخافوا على نفسهم.

يا أخي الكريم أنا ما قلت شي على رجولتهم ونشامتهم , إشفيك أنا اتكلم عن خطورة الأمطار والسيول

[جدةالمروة]

أنشودة المطر صح إنه السحابة أخذت وقت طويل فوق شرق جده خصوصاً فوق الجبال لكن عادي داوم مافيش مشكل :؛: لكن إذا ما غبت قبل كذا فغيب مافيش مشكل عادي.

[الاحمدي]

السلام عليكم جميعا وصبحكم الله بالخير

الآن رجعت من جولة مطاردة للأمطار والحمد لله جانا مطر وبرد بعد كبري الجامعة ووصلت ألى كبري مستشفى الحرس والطريق كله ممطور والماء يمشي على خفيف في الجزيرة الوسطية لخط مكة-جده السريع ورجعت واثناء رجعتي لاحظت ناس كثير مجنبين سياراتهم في الخط السريع(جده) وجنبت معاهم وأذا هو سيل صغير جاي من جهة طريق مكة القديم متجه غرب . نحمد الله سبحانه وتعالى على ما أعطانا ونسأله المزيد وترى الأوضاع مستقرة ولله الحمد ..

[جدةالمروة]

الاحمدي بارك الله فيك على المعلومات الطيبة ونتنظر تقريرك على أحر من الجمر.لك فائق إحترامي وتقديري.

[أنشودة المطر]

تصبحون على خير

خرووج

[جدةالمروة]

البحر المتوسط مشعلل يا جماعة