متابعة الطقس وأخبار الأمطار لعام 1427 - 1428 (( 3 ))

[بن سليمان]

امطرت علينا بعد المغرب مطر طيب على عشيرة سدير ولكن كان خفيف المطر
صبت المرازيم شوي

والسماء فيها غيم وربي بيجيب الخير

[راشد بن محمد]

بس هذا القمر ما يطلع السحب المنخفضة جداً

لأن الصورة كأن ما فيها سحب تتوقع فيها بروق

[ضحوي]

ابو سلطان
ولد حريملاء
أبو محمد
ما قصرتو الله يعطيك العافية ويرزق دياركم السيل

[محب الغيم]

أحبتنا في البراري

مساكم الله بالخير

===========================

عينكم على سحابة فوق البحر الأحمر شمال شرق أريتريا

نشوف تخلب والا تطلع يم الغربية

الله عنده علم كل شيء

[ذيب نجد]

العلم عند ابو خالد

وينه عنا يعطينا علةم الخيرات عليهم

حنا بتمير عنا شمال برق طامن بس مهوب حقوق

[محب الغيم]

أهل الرياض

موعودين بخير مع الفجر بإذن الله تعالى

هو سبحانه علام الغيوب

يعطي بلا حساب .

[نايف العز]

ابو سلطان
ولد حريملاء
أبو محمد
ما قصرتو الله يعطيك العافية ويرزق دياركم وديارنـا السيل ..

[الجارح 2000]

وعليكم السلام ورحمة الله وبركاته

اللهم آآآآآآآآآآمين

عسى الله يتقبل دعائنا ودعائكم

يارب تسيل الارض وتربع الاوطان

الله يبشركم ويرزقكم كل خير على اخباركم الطيبة

الجارح 2000

[عجاج]

ابشركم من الساعة السابعة وحتى الان الامطار تهطل في عنيزة على شكل ديم

اللهم اجعله صيبا نافعا

[نايف العز]

الرش متذبذب على مدينة تمير ..
والرش الآن خفيف ..
والأرض رويت أن شاء الله ..

وأي شيء جديد راح نوفيكم به