المتابعة اليومية لأخبار الطقس والتوقعات من (18- 24/ 1/ 2014 م )

[ابواسيل]

[الشريف زيد]

مشتااااااقين للأستوائيات في ابريل ومايو وربما مارس قبلهما ... !!

لاتلوموني 29-مارس 2013
بردية الرميده التاريخيه

[الشادن]

طيب اذا سمحتو بس سؤال

هل تعتبر الحاله هذه اخر حاله متوقعه لهطول الامطار ؟!وهل مع انتهاء هذه الفرصه تقل معها باقي الفرص المقبله .. بمشيئة الله اولآ واخرآ

^ احتاج اعرف من باب العلم بشي فقط



لانو في رابغ تقريبآ الاجواء عاديه غير" النامس " :( سبب لنا العنقز

..

جزيتم خيرآ

[فريق المتابعة]

السلام عليكم
صبحكم الله بالخير
من بشائر الخير البارحة
10.00 جريان شعيب الملاذ بالرس ممشى جيد
10.10 رش مطر على عروى بالدوادمي
10.55 بداية الامطار على الخفجي الساعة 10.40 بشكل متوسط والمثاعب تصب ولا يزال
11.20 من البرجسيات إلين كبري أم حزم بالقصيم الشعبان تمشي
12.00 أمطار متوسطة غرب السيل الكبير (شمال الطائف)
12.20 أمطار متوسطة على روضة سدير لها أكثر من ساعة ارتوت منها الارض
12.25 غشنة طيبة على الشرائع النخل بمكة المكرمة
12.45 رش مطر طيب صبت منه المثاعب على خفيف على مركز الحريق بالوشم
1.40 مطر قوي مصحوب ببرد على الرس والشوارع تمشي
1.50 من الشعراء للجريسه للدوادمي مطر طيب يسيل الحزوم في بعض المواقع والمطر يعتبر ولي طيب
2.30 رش خفيف جدا قبل ساعة على شرق الرياض حي الشروق وبعدها بنص ساعة رش بيض الاسفلت
2.40 شقراء شوارعها تمشي بشكل طيب والنقع واضح في البر والارض مرتوية
2.45 جريان شعيب خصيبه شمال بريدة
3.00 سيول طيبة على الداهنة بسدير وجميع الاودية تجري جريان متوسط
3.15 أمطار غزيرة على شقراء صبت منها المثاعب بقوة والارض نقعت نقع طيب
3.30 أمطار من خفيفة إلى متوسطة ومتقطعة على روضة ام الشقوق بالرغبة
3.35 رشوش مطر طيبة على أحياء جنوب وغرب الرياض
4.00 شغايا الـ٥٥ كلها تمشي والسايلة ممشاه وسط ومرخ يمشي ممشى قوي وعرعرة وسويس بالزلفي
5.00 رش مطر خفيف على الدلم
5.20 ديمه خفيفة على الاحساء مع الفجر والسحاب يبشر بخير
5.45 توالي الخير من قبل الفجر على شكل رشوش مطر ديم على شقراء
ومن مراسلنا الاجردي من المذنب
أمطار غزيرة على المذنب والمراكز التابعة لها وكانت مصحوبة برياح قوية وصواعق من الساعة 9 وتوالت السحب الممطرة على شكل سوقات ممتابعة وغزيرة والساعة 11 أخذت طابع الديم القوي
ومن مراسلنا خالد الباهلي من عنيزة
جريان شعبان العوشزيه شرق عنيزة واللي ماشي شعيب الرداعه وشعيب القصيبي والمسهرية وابو طليحه وابو خشبه والارض رويانه حول الساعة 3
قناة البراري

[الشريف زيد]

المشاركة الأصلية كتبت بواسطة ابواسيل

تفضل متع عيونك وبعدين احذف المشاركه عشان مانطلع برا الموضوع

الله يمتعك بالصحه والعافيه وطولة العمر ولا نحذف ما دام حديثنا عن المطر ومواسم الخير وانا اشهد انها اشهر الاستوائيات
وبعدين يعجبك فيها انها تكون شبه عامه للجزيره العربيه

[خالداللهيبي]

سيول الزلفي صباح اليوم

[ابواسيل]

المشاركة الأصلية كتبت بواسطة اسير البراري

الله يمتعك بالصحه والعافيه وطولة العمر ولا نحذف ما دام حديثنا عن المطر ومواسم الخير وانا اشهد انها اشهر الاستوائيات
وبعدين يعجبك فيها انها تكون شبه عامه للجزيره العربيه

اللهم امين وياك وجميع المسلمين وقصدي من الحذف لانه مافيهن تاريخ وبعدين نضيع الموجودين. وبالنسبه عن استفسار اختي الكريمه عن الصوره هذي باليمن ومن تصوير اخونا ( تركي المحيا )

[خالداللهيبي]

امطار الجبيل صباح اليوم

[خالداللهيبي]

امطار الظهران صباح اليوم ايضااا

[الشريف زيد]

المشاركة الأصلية كتبت بواسطة الشادن

طيب اذا سمحتو بس سؤال

هل تعتبر الحاله هذه اخر حاله متوقعه لهطول الامطار ؟!وهل مع انتهاء هذه الفرصه تقل معها باقي الفرص المقبله .. بمشيئة الله اولآ واخرآ

^ احتاج اعرف من باب العلم بشي فقط



لانو في رابغ تقريبآ الاجواء عاديه غير" النامس " :( سبب لنا العنقز

..

جزيتم خيرآ

لا اختي ليست آخر حاله ولازالت سلسلة من المنخفضات الجويه قادمه وبمشيئة الله فيه حاله آخر يناير لم تتضح معالمها بعد ورابغ لها نصيب ان شاء الله لما تبقى من الموسم والله اعلم