أبيــات يتيـمه ومشـاعـــر لم تكـتمـل ...!! ( دعـوه للجميـع )

[شطر]

ياليل ياليل ياليل الهجوس الطويل
فيك المشاعر غريبه صعب تحليلها
من دون قمراك ونجومك ترى مستحيل
الناس في ليلتك تلقى تعاليلها

شطر

[شطر]

سلم الفتى يرفاه عن كل منقود
لاصار يمشي مامشت به جدوده
والتايه اللي خوته مابها فود
يلقى من اشباهه مقرد تقوده

شطر

[شطر]

اسعد الله صباحك ياورود الربيع
ياجمال الطبيعه فوق روس الجبال
الهواء ساق عطرك بين سفح(ن) وريع
كل ما انشق عبيره ضيم الايام زال


شطر

[شطر]

يا ابن ادم خذ نصيحه والليالي مقفيات
دام روحك في جسدك وتنعم بلذاتها
اذخر الحسنات لا تطغى عليك السيئات
ولا يهمك هرج ناس(ن) تقتلب نياتها


شطر

[شطر]

يا إله الكون يامرسي الجبال النايفات
يابديع الخلق ياجامع بيوم شتاتها
اسألك يارب عطني داخل القبر الثبات
وعن عذابه لي رياض(ن) عاليه جناتها

شطر

[شطر]

الصباح اللي يعانق بسمتك واهدابك
اشهد انه وصفة(ن) للضيق والنفسيه
جيت ياسمح المحيا والله اللي جابك
مع هبوب(ن) ذعذعت من يمة الشرقيه

شطر

[شطر]

بين توتك مع ورودك تستظل أعنابك
كن قطرات الندى واشكالها سحريه
ما يذيب عروق قلبي غير كثر غيابك
والبلا مع كل غيبه ..إنتظار الجيه

شطر

[شطر]

للقصايد ذوق يتبع رغبة الذويقه
تنهمر من فكر شاعرها وباله رايق
والكلام اللي حروفه كنها المزويقه
نكبة(ن) للشعر لاينفع ولاهو لايق

شطر

[شطر]

راكب اللي بالصحاري ماش شي يعيقه
جيب لاند كروز شاص مسلمينه سايق
سايق(ن) ماعوده للنصب والتلبيقه
عوده في روس ضلعان الحجاز يوايق

شطر

[شطر]

لا شعم ناره وحول دلته وابريقه
في حراوي صيد للمقناص قلبه تايق
يطلب الله من رضاه ويطلبه توفيقه
هي شفوفه دام ماهو بين ربعه بايق

شطر