أبيــات يتيـمه ومشـاعـــر لم تكـتمـل ...!! ( دعـوه للجميـع )

[شطر]

الارض خضراء واكتست زين الالبآس
والجيب جاهز للسفر والعسآسه
نبا نسج بخآيع(ن) يقعد الرآس
مع خوة(ن) تضفي علينآ الونآسه

شطر

[شطر]

عسى بارق(ن) سرآي أخيله من الحره
على نجد وقعه يم شعبآن خآبرهآ
لهآ في ضمير اللي تمشى بهآ جره
ونآس(ن) بهآ ماباقي الا مقابرهآ

شطر

[شطر]

يهل القلم حبره على خالي الأوراق
ويطوي ديار(ن) ممحله راكز(ن) ساقه
حسب مايناسب كل ذوق من الاذواق
يسوقه وليه في ذرى القاف واشنآقه


شطر

[شطر]

تلوح البروق وغيم الاحزان بالاعماق
وبحر الغلا به مركب الحب واشواقه
لو انك عذاب ونار فرقاك ماتنطاق
ابصبر على ذكراك والبعد واحراقه

شطر

[شطر]

مزنه بها وابل وبارق ورعاد
على الرياض بخيرها الان جادت
ماعاد لي بالنوم شف(ن) وميعآد
حتى هواجيسي مع الجو عادت

شطر

[شطر]

يازين صبح(ن) فيه للغيم رذرآذ
بأطراف شعب(ن) فيه للصيد جره
منظر جميل وفيه إحسآس أخآذ
واللي يشوفه لازم انه يسره

شطر

[شطر]

لليل في صدر التعآليل تمثال
منحوت من برد الغياب وجليده
يذوبه شوق اشتعل وسط موال
من خالص الوجدان ينبض وريده

شطر

[شطر]

للصبح بسمه تبني كبار الآمآل
وتحس معها إن حيآتك مديده
تغانم الحسنات ياطيب الفال
ترفعك عن حر اللهب والوقيده

شطر

[شطر]

جعل السحآب اللي به الوبل همآل
يزداد هماله وربي يزيده
حتى يسيل الخد من عقب الامحال
وتنبت بريضانه زهور(ن) جديده

شطر

[شطر]

من هاجس(ن) بالقصايد مايمل الجزيل
وحروف قيفآنها يعرف مداهيلها
يرمي مغافيلها قدام رمي الجفيل
يترك مضاريعها ويصيد من حيلها

شطر