دكة الشيبان

[سمو المشاعر]

السلام عليكم ورحمة الله وبركاته

[سمو المشاعر]

عيدك مبارك والجنة داري ودارك والرسول جاري وجارك كل عام وانتم بالف خير وسلام

[سمو المشاعر]

برق بارقه ومسى مسري
وياهل الديار يهناكم الري
تخاريج الحمر انا امتحري
عسى الله يغيثنا بمزون الامطار

[سمو المشاعر]

مريت على دكة الشيبان
ومالقيت لأثارهم طاري
انااطلب الله عظيم الشان
يكونوا في عناية الباري

[رذاذ]

،؛،؛،

حيّـــاك ربي مـــدى الأزمــان
نــورّت بحضــورك الـــداري
يالشيـخي يالشاعــر الفنـان
كُلِّـن بــ همّــه غــدا ســــــاري


رذاذ

[سمو المشاعر]

المشاركة الأصلية كتبت بواسطة رذاذ

،؛،؛،

حيّـــاك ربي مـــدى الأزمــان
نــورّت بحضــورك الـــداري
يالشيـخي يالشاعــر الفنـان
كُلِّـن بــ همّــه غــدا ســــــاري


رذاذ

لكِ البقا نجمة الميدان
معجب باشعارها قاري

رذاذ يوم تحبك القيفان
بالشعر متفوقه داري

لم اشاهد المشاركة الا اليوم عذراً على التاخيربالرد

تحيتي

[سمو المشاعر]

السلام عليكم ورحمة الله وبركاته ..


هذه الملحمةللشاعر غالب بن منصوربن لؤي الشريف- من الاشراف العبادله اهل الخرمه(رحمه الله)
وهي محاورة بين البدوي والفلاح وفيها فوائد كثيره ومعرفه عادة وتقاليد اهل الباديه
واهل الفلاحه وهي قصيده ممتعه جدا ودقيقه الوصف بشكل مذهل



بديت ذكر الله على مايكونـــــي ...قدام بدع أمثالها واللحونــــــــــى
وأعدل القيفان عدل الغصــــــــــــوني ... من هاجس عنا هنـــــــــــاديب الافكار

وأصب قافي مثل صب الريــــــــــالي ... وألعب بملحوني على شــــــــف بالي
حيث المعاني تستوي للرجالــــــــــي ... وأتشوق اهل العرف واصحـاب الانظار


وترى القصيد أمفيد يا مســــــتمع فيه ... لا جا من اللي باخص في معانيــــــــه
ويعدل القيفان ما هوب يلــــــــــــــــويه ... معتاد في بدع الملاحين بـــــــــــــيطار

واللعب لا مني بغيته يجـــــــــــــــيني ... خذت الدفاتر والقلم في يــــــــــــديني
وأسعره من باب سعر متيـــــــــــــني ... وآخذ من الجزلات والزين واخــــــــــــتار


وجاني اثنين من الرجال المـــــــفاليح ... واحد خصيم عن جميع الفلالــــــــــــيح
والآخر اللي وكلوه المصالـــــــــــــــيح ... أهل البكار اللي رعت عشــــب الاقفار

قالوا ترانا يوم جيناك راضــــــــــــــــين ... أحكم بحكم يقصر مناحس الشــــــــين
قلت أدعوا والحق ما يرضي اثنـــيــــن ... لو كان انا في حكمكم صرت محـــــــتار

و ان كان راعي البل بدا بالخصــــــومه ... اركد ترانا في دواير حــــــــــــــــــــكومه
لا تحسب انك يم هضبة يعـــــــــــومه ... تجر صوتك عند اباعرك فــــــــــي غار

قال ابغاك تحكم لي وتحكم علـــــــيه ... واتشوف منا اللي جزع بالخـــــــــطيه
وعودت تلمزني بذكر المطــــــــــــــيه ... احسبك قاضي واثرك الـــــــــــيوم عيار

قلت اقول لك بشويش لا ترفع الصوت ... وحط العصا والخنجر اللي ورا الـــــكوت
وذولا المشايخ هايبين من المــــــوت ... والبدو هم اللي مقابيس الاشــــــــــرار

احتج عندي بالكلام المـــــــــــــقادي ... وكب اللجايج والخطا والعـــــــــــــــنادي
ولازم تثبت حجتك بالـــــــــــــــوكادي ... هات الصحيح وكب تلفيــــــــــق الاعذار

ثم قال راعي البل لنا حق وحــــقوق ... حنا هل الطالات وانا هل النـــــــــــــوق
اللي تبعدنا عن المشي في السوق ... ولاعندنا لوكان غلين الاســــــــــــــــعار

الزاد فيها والكلا والحـــــــــــــــــليبي ... اليا لقت مع الشقارا رطيبـــــــــــــــــي
والا انت تاكل لك تميس وزبيــــــــبي ... وحتى عشاك يخاشرك فيه عـــــــــــمار

ثم قال له راعي النخل والفلاحـــــــه ... الشكر لله وسط غرس وراحــــــــــــــــه
ماني بمثلك يا قليل الربــــــــــــــاحه ... انا مريح وانت من دار فـــــــــــــــــي دار

لا جا الربيع وحلت بالذود للعشـــــب ... اما ورا الصمان والا ورا كــــــــــــــــشب
للعبد يزري يظهر العذق لا نشـــــــب ... اصرم واسعر وانت في زود محـــــــــدار

واهل الفلاحه في النخل مستريحين ... بين المكاين والعنب والبـــــــــــــساتين
والبدو عذبهم ركوب البـــــــــعارين ... وشديدهم في الليل والصـــبح ما انطار

عشرين شده في الضحا كل يومـــي ... تقفي وتقبل والمظاهير تومـــــــــــــــي
والقيظ جاكم والضما والســــــمومي ... مالك ومال اللي يوديك الاخــــــــــــــطار

ازين تريح عن جميع البـــــــــــــــداوه ... وعن النشايب والعنا والشــــــــــــــقاوه
وان كان تبغى راحتك والطــــــــــراوه ... انزل مع اللي نازلين بجبــــــــــــــــــــــار

مع الرجال اهل الغروس الظلـــــــيله ... قبيلة وا ويها من قبـــــــــــــــــــــــــــيله
فكاكة المركي نهار الدبيــــــــــــــــله ... لا جا لزلبات الرمك فيه معــــــــــــــــصار

ثم قال راعي البل ما انبيلك تدابيـــــر ... عيب على اللي يبدي الشور ما شـــــير
شفي قطيع فيه رمس المغاتــــــــير ... حتيش يا غرسك ولو كان ثمــــــــــــــــار

حتيش لو يثمر وتكبر عـــــــــــــذوقه ... وحصيله اللي ينتجه ما يسوقـــــــــــــــه
لا جاك راعي الدين يبغى حقـــــوقه ... قام يتردد ما خلص قطعة امـــــــــــــــــرار

والا ترى البل في ليال الربيــــــــعي ... نشرب لبنها وان بغينا نبيــــــــــــــــــعي
خذنا الدراهم في يدينا جميـــــــعي ... محتاج يالفلاح والبدو تجـــــــــــــــــــــــار

ثم قال له راعي النخل لو تمــــــاري ... مغبون لو عسيت نقع الخبـــــــــــــــاري
لحداك عن ام السرب والمــــقاري ... لا جيت تبغا لك حشيه ومـــــــــــــصفار

هدب الجريد اللي قبل ما يروحـــــي ... كبار الشباب اللي يزيد الفروحــــــــــي
لو كان عندك خلفتين ومســــــوحي ... لو بعتهن ما جن للمكينه بمســـــــــــمار

يالبدو عذبكم شراب المــــــــــلاحي ... وانا نزلت بغرستي في القراحـــــــــــي
وليا رقاها عبدها بللـــــــــــــقاحي ... ثم نشرت يازين ذاك التنشــــــــــــــــــار

ولاجا يعدلها لقاها على الكـــــــيف ... وسع تخاريص الجريد المــــــــــــــهاديف
يا زينها لا نظفوها عن اللـــــــــــــيف ... مثل الهنوف اللي تهنــــــــــــصر تهنصار

وغرسي رواسي ما يصيبه جفـــالي ... ماهوب يعقل بالمرس والحــــــــــــبالي
يا زين نومي في طويل الظــــــــلالي ... في وسط دالوب حوابيطه اكبـــــــــــــار

والا انت ما تعرف تدبر حـــــــــــــلالك ... في الليل ذودك عازب عن عــــــــــيالك
وتمشي مع الخليان دايم لحــــــــالك ... وان مت ما تلقا مغسل وقبــــــــــــــــار

لا جا العصير وجت حلول المــــراويح ... والناس قامت تذكر الله بتســــــــــــبيح
لينك تعدي في المراقيـــــب وتصيح ... ما كنك الا من المجانين بشـــــــــــــهار

ثم قال راعي البل تسمع جوابـــــي ... لا قل ماك ويبسن الجوابــــــــــــــــــــي
ووصل مجم البير حزم صلابــــــــــي ... قالوا تولم هات للبير حــــــــــــــــــــــفار

ضلع نكاز ماه ماعاد ينــــــــــــــــاش ... وحولت بالمقلاع تبغاه ينـــــــــــــــــهاش
ويوم الصبي شافه قوي فض وانحاش ... وامسيت في هم النخل جعـــلك مجار

ياما جرا لاهل النخل والكـــــــــداده ... امن التعايس والمحن والزهـــــــــــــــاده
تلهيك حتى عن فروض العبـــــــاده ... عن الصلاه وعن مقامك بالاســــــــــــحار

والا ترى البل مستمر ســــــــعدها ... كم خلفة ما اصـــــــــــــــــرها عن ولدها
واليا ضوت على العرب في وعــدها ... غبقتهم لو يمتلي الـــــــــــــــبيت خطار

يا ما حلا لا روحت عقب مــــــسراح ... على فريقي والمطر تو ما طـــــــــــــــاح
مغير ندفعها عن العشب ســـماح ... كن الجمل في وسطها يظرب الـــــــطار

ثم قال له راعي النخل والزروعــــي ... ما أسمع كلامك في كبار الفــــــــروعي
في غرسي اللي في المسيله شروعي ... يا غردق وأكثر طلاعه تبـــــــــــــكار

ما أطيع في سب الجبابيــر ما اطيع ... اليا طلع مثل البني المفاريـــــــــــــــــــع
وكله تبكر بالعذوق المهانيـــــــــــــع ... وكانه بعد غير العنب حطوا اشــــــــــجار

الغرس كل اهل المراجل تحبــــــــه ... قدامنا ابن جويريه ما يــــــــــــــــــــــسبه
واليا طمع به واحد ما يســـــــــــــبه ... ما مثل ملك الغرس في كل الاقــــــــــــــــطار

لا جت ليال القيض والبدو مبطــــين ... كبو جميع ادباشهم والمقاطيــــــــــــــــن
على العدود ومقعد في المعاطيـــن ... لو كان ذودك كل حيرانه ابـــــــــــــــــــكار

كبوك لا قالوا ترى اللون قد شيــــف ... يبغون مقياظ النخل والمخــــــــــــــــاريف
وأكل الرطب امن العذوق المراديــف ... وياراعي النوقات ما عاد لك كــــــــــــــــار

ثم قال راعي البل عسى الله يعيني ... ومن راح عني لازم انه يجــــــــــــــــيني
والله ما اكب مجروعات الحنـــــــيني ... واني لصدر عـــــــــــــــــــــندها بام كرار

وليا وردت مطلوحات العــــــــــدودي ... امن الشفا والا من اقصى النـــــــــفودي
دليت لي دلو سناه القعــــــــــــودي ... لعرب عليها نيها كنه اجــــــــــــــــــــــدار

ولا صدرت من عدها مســـــــــــتمره ... تبغا مكان في شواويه غـــــــــــــــــــــره
يا زين حذف اديودها للاصـــــــــــــــره ... في مرقم جا للزهر فيه نـــــــــــــــــــوار

ورعي النخل خطر من الهم والــــويل ... لا قالوا الوايت تعطل ورا الســـــــــــــيل
ثم قلت شوفوا وش بعد فالبـــــراميل ... قالوا لنا يومين ناخذ من الجــــــــــــــــار

ثم اهجرت كل المكاين وقوفــــــــــي ... وسط البيار ملحفات صــــــــــــــــــفوفي
وغرسك تعرض للخطر والصــــــدوفي ... ولا خير في شئ طعامه فالامـــــــــصار

وان جيت تبغا لك معاويد عــــــــــييت ... حتاك تدري عن خطاك انك اخـــــــطيت
البل تعينك كلما طحت وازريـــــــــــت ... على النخل تعين وافين الاشــــــــــــبار

البل لها عند النشاما محــــــــــــــــبه ... مخبلك ياللي تلحق البل مســــــــبه
أخير من بير تبي منك صـــــــــــــــــبه ... عاقبك ربي بالنخل والتخــــــــــــــــسار

يا حبني لمقرقعات التــــــــــــــــوادي ... اللي تبعد عن وخام البــــــــــــــــــلادي
ما أزين جملها في ليالي الهـــــدادي ... ما ينردع عن جلها كود بهـــــــــــــــــجار

ثم قال راعي الغرس علم بتـــــــوكيد ... ياراعي البل ما نبيلك معـــــــــــــاويد
بآخذ مكينه من الزراعه بتقصــــــــيد ... واسوق بستاني ولو كان ماكـــــــــــان
وايضا حكومتنا لنا مستــــــــــــــعده ... جت بالمكاين عانها وسط جـــــــــــده
والبنك فاتح فيه من كل عـــــــــــــده ... وفي عهد فيصل للفلاحه تطـــــــــــوار

بأقوم في غرسي ولاني بمليـــــــوم ... والله لجاهد عنده الصبح والـــــــــوم
واقومه بعزوم واطيح واقـــــــــوم ... لو كان صرت من التعبــــــه جضار

المرجله ما حد خذاها بهـــــــوني ... ولا أحد كسبها بالهوى والــــمولي
كود الرجال اللي قبل يتعــــــبوني ... وغمر على صكات الايام صـــــبار

ياراعي البل ظن قلبك هــــــــبيلي ... لوكان تملا من لبنها الصميـــــــــلي
والغرس ماله في المراجل مثيـــــلي ... ربي جعل في الغرس جنات وانــــــهار

ويوم ان مريم جت بعيسى تشيـــله ... جعل لها ربي نخلة ظلـــــــــــــــــــيله
تسقط عليها من رطبها هليــــــــــــله ... وهذا دليل الغـــــــــــــرس له زود مقدار

قلت اسمعوا يأهل الظفر والحـــــميه ... الكل منكم ما بقا له دعيــــــــــــــــــــــه
يا حبني لأهل الوجيه الرضــــــــــــيه ... اللي يطيعون النصيحه والاشــــــــــــــوار

وانا بأواسى بينكم يالعــــــــــــــواني ... عندي حشام وكلبوكم خوانـــــــــــــــــي
والصلح خير وسيد كل المــــــــعاني ... واللي يعيي ما يبي الصــــــــــــــــلح بوار


ياراعي البل ما لقينا لك امثــــــــــال ... ام الجمايل هي في كل الاحــــــــــــــوال
وهيه طرات الوقت والعز والــــــــمال ... اليا رزقها الله من الوسم بامطـــــــــــــار


واما ان ياراعي النخل والزراعـــــــــه ... لا جت ليالي القيض عندك طمــــــــــاعه
مخارف تكتها كل ســـــــــــــــــــاعه ... لاهل الركاب اللي من البعد ظــــــــــمار


وصلاة ربي عد ماناحـــــــــت الورق ... فاقصى الشمال ويمت الشام والشـــرق
وعد الرعود وما اختــــفق لايح البرق ... على نبي عزه الله عن النـــــــــــــــــار

وعدود ما جرت لحنها الحــــــــــمامه ... على شفيع الناس يوم القيــــــــــــــامه
يوم ان كل ما يبي الا الســــــــــلامه ... في موقف نهار شخصات الابصــــــــار

[سمو المشاعر]

كان العرب ولا يزالون أهل بلاغة وبيان وحسن تصرف باللفظ للخروج من المأزق لا أدل على ذلك من

بلاغة أجوبتهم المسكتة التى تجيب ولا تخطىء وتسرع فلا تبطىء تلجم الأفواه فلا تحرك ساكنا و كأن

هؤلاء العرب قد ألهموا الكلام إلهاما ولنأخذ بطرف الخيط :

* زار أمير من الأمراء بيت رجل فقير وكان للفقير ابنا ذكيا فسأله الأمير : داركم أجمل أم دار الأمير ؟

فقال الغلام : دارنا أجمل ما دام الأمير فيها


* جلس عربيان على جدى مشوى يأكلانه فأكل أحدهما بشراهة فقال له الآخر: لم تأكل بشراهه
كأن أمه نطحتك ؛ فرد الآخر : ومالك مشفق عليه كأن أمه أرضعتك

* سئل عمر بن عبد العزيز فى مرض موته : ماذا تركت لأولادك قال : تركت لهم تقوى الله

إن كانواأتقياء فالله يتولى المتقين ؛ وإن كانوا غير ذلك فلن أترك لهم شيئا يستعينون به على معصية الله .

* حكى أن عربيا وضع لضيوفه الطعام وكان قليلا فقال الخادم إن الطعام قليل فقال العربى
إن كانوا عقلاء فعلى المائدة ما يكفيهم ؛ وإن كانوا غير ذلك فعلى المائدة أكثر مما يستحقون

* خرج أمير إلى الصيد ومعه خادمه فلما وجه لأمير النبل الى الطائرلم يصبه ؛ فقال له الغلام أحسنت ؛

فقال الأمير أتهزأ بى ؟!قال الغلام لا والله ولكنك أحسنت إلى الطائر

* كان الإمام على بن أبى طالب كرم الله وجهه على المنبر يخطب الناس فقام أعرابى يسأله ؛ فقال الإمام

على : لا أعلم فرد الرجل قائلا : ليس هذا مكان الجهال ؛ فقال الامام على : هذا مكان من يعرف شيئا

ويجهل أشياء أما الذى يعرف ولا يجهل فليس له مكان

* مر الحجاج بأمرأة من أعدائه فقال لها : لأحصدنكم حصدا ؛ فرد المرأة : الله يزرع وأنت تحصد

فأين قدرة المخلوق من الخالق

* تحاور رجلان فقال الأول : لم تقول ما لا يفهم ؟ فقال الآخر : ولم لا تفهم ما يقال ؟

* سئل ديوجين الحكيم يوما : ما أنسب سن للزواج ؟ فقال :مادام الإنسان صغيرا فوقت زواجه لم يأت

وإذا كبر فقد فات الوقت

* نصح رجل رجلا مسرفا لكن فى الخير فقال الناصح : لا خير فى الإسراف فرد الأول : لا إسراف

فى الخير

* سئل الزعيم سعد زغلول عن مسألة هو فيها متهم فقال : هذا شرف لا أدعيه وتهمة لا أنفيها

* كتب ابن قتيبة إلى المهدى الخليفة العباسى أن يأذن له فى تقبيل يديه . فرد الخليفة : إنا نصونك عنها

ونصونها عن غيرك

* سئل الشعبى يوما (وكان فقيها) عن مسألة فقال : لا أعلم ؛ فقيل له : ألا تستحى أن تقول لا أعلم

وأنت فقيهنا فقال : لا أستحيى مما لم تستحى من الملائكة حين قالوا : " سبحانك لا علم لنا إلا ما علمتنا "


خذ بعلمى ولا تركن إلى عملى *** واجن الثمار وخل العود للنار

وما من كاتب إلا سيفنى*** ويبقى الدهر ما كتبت يداه

فلا تكتب بخطك غير شىء*** يسرك فى القيامة أن تراه

[سمو المشاعر]

ناس تذمك وبالمجامل تجاريك
وناسٍ تدور خوتك واشتروها

وناسٍ تجــيك والبــلا ماتدانيك
وناسٍ تغيب وخوتك ما نسوها

[غانم الضومري]

أهلا.... هـلا يالشيخ ربي يحييك
أجمل حروف الشعر منكم خذوها

شاعر مميز ودي آقف واجاريك
شيلات روعه خلفنا رددوههها

حضورك يشرح النفس يالشيخي

دام نبضك....

تحيتي