أبيــات يتيـمه ومشـاعـــر لم تكـتمـل ...!! ( دعـوه للجميـع )

[عايد]

والعذر والسموحه من مقامكم سيدي

[أبو سيرين]

المشاركة الأصلية كتبت بواسطة عايد

والعذر والسموحه من مقامكم سيدي

لا عادي أنا بعد أمزح وتروق لي مشاركاتك

تحيتي وتقديري

[شطر]

على طارف الضلع الموايق لهاك الطور
وفي ديرة خضرا لها ايام ممطوره
مشينا واخذنا دربنا قبل ست شهور
نبي حروة اللي ماتجي غير بوعوره

شطر

[شطر]

بعد حزة الميقاف كلن اخذ له دور
وشلنا الزهاب وبضعة اغراض ميسوره
وساع اتفقنا يوم كلن عطاله شور
بدينا على المسبار كلن بناظوره

شطر

[شطر]

حريصين نكشف شعب غابي وفيه صخور
حراوي الوعول وفيه قبل امس مذكوره
ويوم ان شمس الصبح بانت وبان النور
ولا شوفت اللي تطرب الروح بالصوره

شطر

[شطر]

ثلاثة قحوم قرونها حول خمس شبور
على حول سنتها ولاهيب مذعوره
تركد تبي حبل السمر والحبل منثور
ولا تقدر تقاوم وهي غصب مجبوره

شطر

[شطر]

تمركز لها شايب وحول لها منصور
وقمنا نتراسل بأجهزتنا على الثوره
رماها وطش اثنين واللي بقى مخطور
صويبن تنزح فوق ودماه منثوره

شطر

[شطر]

لجا يم شايبنا وفعله بهن مخبور
وقال ابشروا به طاح واشوف جمهوره
ثلاثه وفيهن مايوصي به الدكتور
عصيب الشحم من حبلة السمر مزبوره

شطر

[شطر]

الا ياصباحن بان نوره ويا محلاه
عقب مانفض ليل المعاناه واخفاها
عسى شمسك اللي وايقت من جهة ملفاه
تدفي ضلوعن أبيض الثلج يكساها

شطر

[شطر]

وليفن عليه الروح ماظنتي تنساه
بعد ما عطاها من مجانيه واسقاها
حداني على بدع القوافي عساي فداه
عسى من يلوم معذب الحب يلقاها

شطر