(( ماذا ستكتب على جدار الزمن )) تفضل وشارك......

[عابر سبيل]

يالله يلى تستـر الطيـر بالريـش
يلى على فضلك تعيش المواشـي

يارب عبدك في ضميره نواهيـش
تلعب بقلبي لعب صف النواشـي

انا. ليا. منـي نويـت المطاريـش
يخف نومـي ويتضايـق فراشـي

كنه يدق صبـي عينـي مناقيـش
النور طافي واحسب النور واشي

وليا. طرالي راعي الكبر والطيـش
كنه خشيرن لي معي في معاشـي

يانافخن صدرك تكبر على ويـش
والله وماقالت تراء اللاش لاشـي

الكبر منهاج الخبـول الدراويـش
*مكبريـن ظهورهـم بالخيـاشـي

يالله لاتجعل طريقي على الهيـش
*هرع الكلام المستحيـل الهتاشـي

رجال في طردن وراء لقمة العيش
وفي غيرها لد النظر وانت ماشي

[تناهيد]

[ابوعدنان الجهني]

يالموت لك هيبه تِهِزّ السلاطيـن
ولك حزّةٍ ماتدري الناس عنهـا
ولك ضربةٍ تقطع حبال الشرايين
ولك طعنةٍ ماغيرك اللي طعنهـا
ولك سطوةٍ فالهند والسند والصين
والغرب وِبْشـام الديـار ويمنهـا
ولك صدمة تَفْجع قلوب المحبيـن
ولك خَطْفةٍ ماينفع الحرص منهـا
ولك حومةٍ تَحْصد زروع البساتين
ومِنْك الدِيَر ماكَـنّْ حـيٍّ سكنهـا
عِبْره ومِن لايِعْتِبِر مِنْك مسكيـن
نفسه مع الأوهام مِطْلِـق رسنهـا
والعمر دينٍ وانت تِسْتوفي الدَّيْـن
في ساعةٍ ربّـي محـدّد زمنهـا
وهذا انت بس المشكله عنك لاهين
نَرْكض ورى دنياً رخيصٍ ثمنهـا
نَسعى ورى جَمْع الذهب والملايين
وِنْصارع امواج الحيـاه وفِتَنْهـا
حيّين واليا جيت ماحْنـا بحيّيـن
لابـد تلْبَـس كـل روحٍ كفنهـا
ويالله يـارب العبـاد المصلّيـن
اللي يديهـا بالصـدر تِحْتِضنْهـا
رحماك لامِنْ حافنا نازح البيـن
والروح مِنْ بين الحنايـا مِكَنْهـا
واوْثَق بها حبله منِ يْسار ويميـن
وخارت قواها وِاعْتَراها وَهَنْهـا
وحان الرّحيل وعزّوا ابْنا المعزّين
واقْرَبْهـم احْفَرْنـا بكفّـه دفَنْهـا
وصِرْنا بحال ولالنا غيركِ مْعين
ياعالمَ اسـرار القلـوب وعلنهـا
أنت الرجا والعبد مخلوق مسكين
والموت ساعة حـق لابـد منهـا

[بقآيآ .. حرف]

مآدآم صدري لـ/ ‏​آكثر آوجآعي لحد
لآ عـآد تسأل عـن غيآبي يوم ‏آغيب

آللـي معـھ ربـھ مـآيبغي معـھ ‏​آحد
مآهوب في حآجة صديق ولآ حبيب

[رذاذ]

مابي من الدنيا وجاهه .. ولامال
ابي الستر .. والعافيه .. والسلامه

تضيق في عيني حياتي والامال
لامن ذكرت حساب يوم القيامه

،؛،؛،

[بقآيآ .. حرف]

غن للحظ الاسود دام حظي عناي
ما بقى للطعون بوسط صدري محل

يوم طال الغياب وجيت اجرب غلاي
قلت ابرحل / وقال الله كريم ورحل ؟

[حـــــارب]

ريح المطر .... مثل العطر
أتعطّره وأطرب غِنا :
طشْ يآمطر ،، طشْ يآمطر
واغسل من ضلوعي ..... ( عنا )
واغسل ديار اللي .. نطر
وقلّه : وَحَش قلبي ...... أنا

[تناهيد]

[تناهيد]

افقدك ،،، وتمر ساعاتي أرق
وينك اكثر من نطقها لك انا

السهر من عمري الباقي سرق
والفرح ،،، وياك تاركني هنا

[تناهيد]

مآ كنت اصدق موت الاحسآس والشوق
الين مآ مآتوا .. وهم في رجاء الـعيش

كنت اعشق الاحلام وآطآلع لـ فوق
كنت احسب ان الحب .. أنعم من الريش

كنت اتنرفز من خطآيآك .. واروق
كنت ادمح الزلات .. من دون تفتيش

تسوق لي جيش الزلل .. دون مـا تفوق
ومن العفـو كم لي وانا اسوق لك جيـش

ما هو بضـعف بس .. حاسب لك حـقوق
ياللي تحسب ان اغلب حقوقي الطيش

مآ تثمر الاغصان لـو .. ماتت عروق
وانا وعروق القلب متنا معاطيش

كم لي ؟ اعيش الوقت باحسآس مخنوق
وكم لي اجآمل .. لكن آجآمل لـ ويش ؟!

و اللـه كن الجـرح لـ آلقلــب صندوق
من عقب ما كان الغلا وسطـه يعيش