أبيــات يتيـمه ومشـاعـــر لم تكـتمـل ...!! ( دعـوه للجميـع )

[سحاب شقراء]

يالله حسن الخاتمه بس القلب خضر هههههههههههه

لك ياعايد

الااقبل فز قلبي ثم ناداها


ولا اقفا قلت سبحان الي كاسيها


ياعايد كنت احسبني ابا اسلاها


وروحي قلت في العارض اسليها


و ثر روحي تجمعلي بلاياها


وتقول اصبر ونا اور يك تاليها


وصدقن صار وعد الروح وشفناها


وحمت روحي مطرقها ونا اكويها


وصارت علتي داها من رداها


ياعايد ذي حياتي ولك انا اشكيها


سحاب شقراء

[سحاب شقراء]

للزلفي في قلبي غلا دوم يزداد


وزود الغلا زايدن من حب راعيها


اجواد وكل الي سكن برضك اجواد


شهادتن لله وما نيب مخفيها


يعل من عنا القدم ولك عاد


في جنه الفردوس يجني الجنافيها


سحاب شقراء

[شطر]

قالت وش اللي ذكرك بالقصايد
وانا عن اللي بيني وبينك اغضيت
قلت القصايد سببت لي وقايد
في داخلي وأجر منها التناهيت

شطر

[شطر]

لفانا الشتاء وشتاء مفارقك ماقد راح
انا كيف ابدفا واعرف النوم والراحه
علي الحرام ان الصدر من هجوسي فاح
وعيني سهيره بآخر الليل طفاحه

شطر

[شطر]

نسيتك وانا اللي كنت ما اقوى على النسيان
تلاشى شعور بداخلي كان محرقني
تشاويت من فرقا وهم وغثا واحزان
وشي خطير دايم الدوم يسرقني

شطر

[شطر]

طويت الغرام وكنه اليوم ماقد كان
وغيرت رمز حروف شعري وقيفانه
توكلت باللي خالق الجن والانسان
عظيم الرجاء رب المخاليق سبحانه

شطر

[شطر]

مازلت اقاوم وأكبح جماح الاشواق
واحاول أرمي مابقى من بواقي


شطر

[عايد]

اخي الحبيب والشاعر الكبير سحاب شقرا
القصيده اللتي ذكرت الاخيره هي بابنت اخي اللتي تعلقت بها واحببتها كثيراً
وقد توفيت بين اذرعي بالمستشفى ....
اعتذر منك لم اقدر على مجارتك في قصيدتك

[سحاب شقراء]

المشاركة الأصلية كتبت بواسطة عايد

اخي الحبيب والشاعر الكبير سحاب شقرا
القصيده اللتي ذكرت الاخيره هي بابنت اخي اللتي تعلقت بها واحببتها كثيراً
وقد توفيت بين اذرعي بالمستشفى ....
اعتذر منك لم اقدر على مجارتك في قصيدتك

هلا بالغالي ومرحبا

الله يجعلها شفيعه لوالديها امين
وسامحني قبلي مطفوق وفتح جروح ونا مدري يعلم الله

[شطر]

غدير الغرام اللي جلسنا على جاله
أمره وأصد وكن ماعاد له ذكرى
تجيه السحايب بين فترات هماله
تصب الشغايا فيه والجرح مايبرى

شطر