| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2013-01-01, 02:22 PM
|
|||
|
|||
ربيع وغدران وخيرات من الكريم المنان شهر صفر 1434هـ وتحذير من بعض الأصحاب باستغلال ضعفك
السلام عليكم ورحمة الله وبركاته صباحكم & مسائكم خير وبركات وكله مسرات تقرير على السريع لرحلة تتبع الربيع وأماكنه القريبه من شمال الرياض وشمال شرقه والحمد لله الخير بأغلب الأماكن التاريخ من 13 إلى 17 / 2 / 1434هــ أولاً / التحذير بآخر التقرير بخليه عشان ما يتنكد عليكم الربيع وهي قصه حقيقه وقعت من بعض الأصحاب لبعضهم (لاحول ولا قوة إلا بالله) ثانياً / مسار التمشي والرحله من (الرياض على نوره والمحتجبه بالحقاقه وأم الأرشه والشوكي وثريثان وغدير الرشايده والمصطحبه وجويعد والودي وشعيب البلدي) الوصول لروضة نوره ولا فيها شيء أبد وحتى الباذر لم نشاهده عسا الله أن يغيثنا من فضله وكان الهواء شديد يوم الاربعاء فقررنا المحتجبه نمرح بها لأنها تحت الضلع ومصدات وصلنا لها وهالصوره ليليه للمكان 1  2  أصبحنا وطلعنا من عند ام الأرشه مواعدين بعض الربع بالمصطحبه ومررنا بثريثان وعز الله يستاهل العنوه ولو إن ربعنا عندهم ارسال كان قلنا لهم تعالوا لمنا أبرك 3  4  5  إلى متى هداكم الله وأصلحكم تدمير للبيئه وتعدي عليها 6  عاد ما أدري يدعي بهدايتهم او عليهم هههه 7  ياسلام سلم غدير وربيع فاز بقوه ولا حولك لآ إنس ولا جن (المكان وعر تراه ومطينه) 8  وصلنا لغدير الرشايده 9  10  وطلعنا من هالأمكان للمصطحبه كانت رائعه لكن العشب فارش ويبيله زود وقت والناس داكته بالسيارات 11  12  التقينا باللي جاء من الزلفي وصار متمشي حولنا لكن ما شفناه وتصيعبنا الرجعه لوعورت المكان وكانت الرغبه بعد الإفطار التوجه للشرق اكثر نحو جويعد وشماله 13  جميله جداً المصطحبه لكن الهواء يلعب بأهله فما تصلح إلا إذا الجو سكنه 14  والأهم يا إخوان دع المكان أفضل مما كان هالصوره قبل تغيير المكان 15  ومررنا بجويعد ولم نرا ما يستاهل الجلسه قليل العشب فيها لكن الغدران مليانه وجاء اللي عليه العلم والزين كله مكان غدانا يوم الخميس وحط الرِحال بهالمكان غرب من الودي قرابة الكيلو إلى كيلوين تقريباً 16  17  18  وحصل عطل بالموتر من الهوبات وحسبي الله عليك ياشركة عبداللطيف جميل الموتر ما تعدا 5000 وأصوات الهواء مع البيبان والهوب الأيسر كله حفر والحين جادع الموتر عندهم وهو رافضين استقباله للصيانه أو حتى فحصه 19  والصوره قبل الغروب ليوم الخميس 20  وأخرى 21  وصوره من شر ق عن مكاننا 22  23  وهنا يظهر لنا القمر بأجمل حلةٍ له وهو مكتمل 24  25  صوره من سطح السياره 26  وخيمت علينا ليلة الجمعه بأجمل الأجواء سكنة بالهواء والطلول من بدري بدأت حتى أن الزنجبيل الرطب نغسله من طلوله اللي عليه 27  28  وأقرب للجلسه 29  تكملة الصور الليله قرابة الساعه عشر طبعاً الدور الكبير للإضاءة في المكان ضوء القمر (الله يسلمني) 30  إستخدمت الكشاف بالصوره هذي وطلعت النتيجه جميله لولا سطعت النور 31  وعند تمام الساعه الحادية عشر حصلت مفاجاة لي جميلة جداً خيم الضباب على المكان بعد خلد الأصحاب إلى النوم وفاتهم نص عمرهم ولم يشاهدوه ويعيشوه 32  وكان الرذاذ يهلهل علي وأمتلت الكاميره وخمرت العدسات وأنا فاق إثمي على هالجو خله ينفعني هههه 33  أصبحنا وأصبح الملك لله الأجواء بعد فجر الجمعه 34  35  الضباب إرتفع قليل عن الأرض ولو أرقى على التنده وأتطيول طلته (فكو هالطلاسم عاد) 36  37  صور إنبطاحيه 38  39  40  ارتفعت الشمس وبدأت تفككه 41  42  غيرنا المكان وذهبنا شرقاً عن الودي وتستمر الخيرات والربيع أكثر وأكثر وأكثر 43  44  والحقيقه إنه كان دفأ يوم الجمعه لكن الهواء سكنه وفكنا الله من الهبايب 45  46  47  48  49  هنا تم تغيير العدسه 50  51  نلاحظ ارتفاع العشب ولله الحمد 52  أخرى طوليه 53  54  مما يميز هالمكان الهدوء ولم نرا من يتحرك حولنا لا سيارات ولا أوادم وأما أهل الأرض ما أدري عنهم كانهم هم اللي شايفينا 55  مساحات مد النظر ولله الحمد 56  وأحلى براد ضحويه الجمعه 57  58  شاهي خااااااااااادر 59  تشهوو يالله حيهم 60  نظره وداعيه للمكان قبل المغادره على أمل اللقاء بالمرات القادمه 61  نزلنا على شعيب البلدي وتغدينا فيه ومررنا بالأحباب أبو فيصل وأبو ابراهيم عند البل 62  63  تلطمو 64  ليلة السبت 65  هههه هنا عاد سالفته سالفه واحد من الربع ابلشنا بشيل القمر بيدي قلتله ولا يهمك رح يمين ارجع بعد ارجع بعد ارجع شوي لين بغيت اطلعه على شغيتاً ثانيه ارفع يدك بعد شوي تحت فوق وأنا أطق له هالصوره 66  وطلعنا من البلدي إلى المستوي لنشاهد ربيع النفود ومواعدين أخي الغالي محمد بمخيمه اللي يجهزه للعايله بالعطله 67  الربله ما شاء الله تبارك الله وقبالة خير عسا الله يتمم عليه ويواليه بالسيل 68  من بعيد شوي وأحدى النقر القريبه من المخيم 69  الحين أبدأ بسالفة التحذير حتى الرفيق اللي تثق فيه احذرهــ القصه واقعيه وحصلت للأسف بين ناس أقارب وأصحاب والأشد أنهم أبناء أخواني وأخوتي فلاحول ولا قوة إلا بالله يوم من الأيام طلعت بالعايله الكريمه لأقرب بر للرياض طبعاً مشينا مية كيلو عشان نلقى مكان مابه شبك وندخل معه وأخيراً لقينا المكان (نفود الخفس) مقابل مفرق الطوقي ــ يعني بقي شوي وآصل الزلفي ــ المهم مالكم بالطويله تجمعنا وبدات الوناسه وفلة الحجاج وأخذ بعض بعض الأطفال باللعب ويدفنون بعضهم وكنت اوثق الأحداث اولاً بأول بالعدسه ذات الزوم البعيد حتى لا يتصنعون الضحك وهم مالهم خلق بدأت الأحداث وطبعاً مصوره كلها وموثقه ونبي تعلمونا من الخطأ عليه ومن اللي يركبه الحق 1  2  فشاهدهم هذا الأقشر وجاهم مدرعم والكل كان يعتقد أنه يرد اللعب معهم ويبي يندفن مثلهم 3  بس نظرته توحي بان هناك ما يكنه بداخله يرد ان يستغل ضعفهم وعدم استطاعت تحركهم ويالله يالله وقف عندهم مع مانع الإنزلاق 4  قام العفريت ونظرات الترقب من أحد الضحايا ويدعي الله إنه ما يجيه ولا يقربه لأنه عارف قدراته وإمكاناته الآن لا تسمح بالمقاومه 5  ويختار ضحاياه وينقي منهم اللي يشتهيه 6  وبدأ الهجوم الكاسح وشوية طقطقه للرقبه وأحلى مساج بري وأما الآخر علامات التبسم عليه لأنه نجاء من المتغطرس لكنه يبدو عليه إنه ما درس أكلت يوم أكلت البقرات الثلاث أو ما عرف المثل تأبى الرياح إذا اجتمعن تكسرا وإذا افترقن تكسرت 7  المهم ما علينا منهم بزران ويصلحون وما عليكم من التحذير فلو أم أمها مع الربع والأقارب والبر بريه والزعل بالديره لمتابعة تويتاتي/ بدر الأطرم baderalatram@ والسلام عليكم ورحمة الله وبركاته
|
|
|
العرض الشجري