| التعليمـــات |
| التقويم |
|
|
#171
2012-09-14, 08:50 PM
|
|||
|
|||
يامرحبا بالصـــــاحب اللـــــي لنا زار
|
|
#172
2012-09-14, 10:02 PM
|
|||
|
|||
|
|
|
#173
2012-09-14, 10:18 PM
|
|||
|
|||
|
يادكة الشيبان لو جاك شيبان .. شبي لهم نار السوالف والاشعار
|
|
#174
2012-09-14, 10:24 PM
|
|||
|
|||
|
لا عاد تنشد عن احواله .. شبابنا روّح وخللــــــه
|
|
#175
2012-09-15, 12:52 AM
|
||||
|
||||
|
|
|
#176
2012-09-15, 01:08 AM
|
||||
|
||||
|
|
|
#177
2012-09-15, 06:25 PM
|
|||
|
|||
|
|
|
#178
2012-09-15, 06:48 PM
|
|||
|
|||
|
وهذه قصة من أكثر القصص التي أُعجبتني وهي قصة الشيخ بداح العنقري التميمي الشيخ بداح كان أمير لثرمداء في وقتها ومما اشتهر عن بداح أنه شجاع وفارس وكريم كما أنه كان هواويا مثله مثل ابن سبيل وغيرهم .. وبما أن بداح هواوي فذكرو له بنت أمير من أمراء البادية الذين يأتون بالصيف إلى القرية واذا اتى الوسم والربيع شدوا وتركوا العاشق بقريته ..! كانت من أجمل بنات البادية والحاضرة ، فدخلت البنت قلب بداح وقرر أن يذهب لأهلها ويخطبها . وفعلا توجه بداح إلى أهلها ونزل عندهم ومن المعلوم عن زمان الاولين أن الضيف ما يُنشد عن علمه إلا بعد مرور ثلاثة أيام . وأثناء الثلاثة أيام كان بداح يلّعب مع أخوان البنت على الخيل ، , واعجبو به أهل وجماعة البنت وبعد مرور مدة الضيافة طلب بداح يد البنت من أبوها فقال أب البنت : ونعم بالعنقري بس نشاور البنت . فكان رد البنت عن أبوها (افا يبه غرك الحضري ذا خيال القري ترى حيث انه لعب والا لو انه هوش ماهاش خيال القري زين تصفيح) معناه أنه الحضري خيال وفارس وقت السلم ولا ينتخا به وقت الشدايد . ضاق صدر بداح من رد البنت وقالها : قولي يالله .. فقالت : يالله .. قال : يالله عجل باليوم اللي تشوفين فيه شجاعتي وفعلي . رجع بداح لأهله وجماعته ، وصادفت رجعته أن قبائل الفضول أغارو على جماعة البنت وكان عدد الفضول كثير ، وغلبت الكثرة الشجاعة . فصاح أبو البنت بأحد رجالة وقاله : رح لم بداح واستفزعه . راح لبداح وبوم سمع بداح كلام المرسول كان رده : ما أفزع إلا لما تجيني البنت وتنخاني ثلاثين نخوة . جت البنت وقالت : ( العنقري يا رجالي أنخاك عشر ويتبع العشر عشرين وهذولي الثلاثين ) فثارت الحميّة بالعنقري وركب فرسه وفتح الله عليه ونصره ويرد حلال جماعة البنت . وجمع العنقري اعنه الخيول وعطاها للبنت ( والاعنه يجمعونها في الحروب كـ دليل لكل واحد وكم قتل ) وكان العنقري قتل أعداد كثيرة، وحارب بشجاعة ، وقيل انهم فكوا السيف من يده بعد غسلها بالماء الحار . ويوم أجتمعت الجماعة على النار في بيت العز يذكرون سوالف المعركة ، وكان بعض الرجال يقول أنا قتلت عشر والثاني يقول عشرين . يوم سمعت البنت كثرة الهرج والكلام قالت : الي ذبح فارس يجيب عنان الفرس ورمت بـ الاعنه الي عطاه بداح لها . وقالت لبداح أنها موافقة على الزواج . بعد ما سمع بداح كلام البنت قام وقال هالقصيدة : الله لحـد يـا مـا غـزينـا وجينـا ويامـا ركبنـا حاميـات المشاويـح ويامـا علـى أكـوارهـم اعتلينــا ويامـا ركبناهن عصيـرن مراويـح ويامـا تعـاطـت بالهنـادي يدينـا ويامـا تقاسمنـا حـلال المصاليـح وراك تزهـد ياريـش العيـن فينـا تقـول خيال الحضر زيـن تصفيـح الطيـب مـا هـو بـس للظاعنينـا مقسمـن بيـن الوجيـه المفـاليـح البـدو واللـي بـالقـرى نازلينــا كلـن عطـاه الله من هبَّـة الريـح يـوم الفضـول بحلتـك شـارعينـا بالشلف ينحونـك سـوات الزنانيـح يوم انجمر رمحي خذيـت السنينـا وادعيت عنك الخيل صـمّ مدابيـح هيـا عطينـا الحـق هيـا عطينـا وإن مـا عطيتينـاه والله لا صيـح أصيح صيحـة مـن غدالـه جنينـا وإلا خلوجن ضيعوهـا السراريـح يا عود ريحانـن بعـرض البطينـا ومنين ما هب الهوا فاح لـه ريـح لا خـوخ لا رمـان ولا هو بتينـا مشمـش البصـرة ولا بالتـفافيـح وخـدن كما قرطاستـن في يمينـا وعيـون نجـل للمشقـا ذوابيــح صخـف بلطـف بـانهـزاع بلينـا يا غصن موزن هزعه ناسم الريـح شكرا لمتابعتكم دكة الشيبان .. تحيتي .. شايب
|
|
#179
2012-09-16, 04:29 PM
|
|||
|
|||
|
اقتباس:
السلام عليكم الله الله عليك ياشايب قصدي ياغانم روعه قصة نويشي بس على فكره لدي سوال علي الطاير من اي القبايل ينتمي جار وخوي نويشي اقتباس:
الله لا يهينك يابو سامي ابيات اكثر من رائعة وقصه كذلك لكن لدي طلب قصة وقصيدة للبنت ورد الاحمدي عليها الي تقول تستاهل الفنجال ومواسد الراس اعتقد كذا مدري حوله
|
|
#180
2012-10-01, 10:23 PM
|
|||
|
|||
|
أما قصة / مفضي ابن ولمان الاحمدي .. علما ان لها أكثر من رواية .. أنقل لكم أقربها إلى الصحيح .. والله أعلم .. مفضي بن ولمان الاحمدي, ذبح واحد من جماعته وجلا عن ديار حرب من المدينة المنورة .. واستقر به المقام في قبيلة شمر وتحديداً عند شيخ اشتهر بالكرم وهوشيخ العليان من شمر / بن سعيد "" معشى الذيب . جاهم ( مفضي الأحمدي) تحت اسم " مستعار " وهو (رويعي ), المهم قاله ( معشي الذيب ) وش عندك قال : جاي ادور مرازق الله .وادور الرعيه . ..وهاك الوقت مصادر الرزق محدوده ومافيه الاالرعيه اوماشابه ذلك . جلس عندهم واتضح لهم انه انسان محترم بكل معاني الكلمة . وقضبوه احدى الرعايا وضلا يسرح فيها . واذا جاء يقضب الدلال لين يسرون للنوم . اخذ عندهم سنين وفي يوم من الأيام وهو كان جالسا بالبل وبجنبه بنت ابن سعيد معها رعيه , ولادروا الا انقضت عليهم مغيره وهم يأخذون الرعيتين رعيت " ارويعي " ورعية البنت. وإذا برجل على فرسه وهو من جماعة البنت وينطحه " رويعي" : الحق القوم اخذوا الحلال وانت رجال مسلح وعلى خيل - قال والله مالي فيهم قدره هذولا قوم تبيني انطح قوم الحالي - قاله " ارويعي" - اجل تكفى عطني الخيل والسيف . كن الرجال استهان بـ " رويعي " - نزل عن الخيل وعطاه السيف وقال الله الله لا تضربهم الا مع رؤسهم ...... ركب " رويعي " على الخيل ولحق القوم وقتل منهم اربعة ورد الحلال , ورد الخيل الصاحبه .( البنت شاهدهت وسمعت كل ماجرى .. " كانت متخفيه خلف صخرة" ) ويوم انهم روحوا يم العرب وعلى عادته الاحمدي . يجلس يزين القهوة . والبنت اتراقبه من بعيد .. والناس في بالهم ان اللي رد الحلال " الرجّال اللي معه الخيل" ويوم شافت البنت ان القهوة والمه وهي اتنادي على ابوها - يايبه - قال: نعم -قالت : طلبتك - قال: وش تبين -قالت : اللي يبي يعطي مايقول وش تبي .اما قول تم ولا قول لا . قال : لابالله الا تم .. قالت : ابصب القهوة الي زين " ارويعي " قال : ماعندنا غير بنيـ خيك وعيال عمك ... تعدي صبي القهوة -- وهي اتعدى وتاخذ الدله وتقوم "رويعي" من يده . وهي تقعدة على الشداد الي مرتكي عليه ابوها وصبي اول فنجال لبوها وثاني فنجال " لرويعي " وهي تقول : يايبه ترى هذا الرجال الي رد الحلال ... وعلمت بكل اللي صار ... وقالت ان شفاك ضني ان ماسمه "رويعي" وانه رجّال ماهو بسيط وان وراه قصة --- المهم-علمهم "رويعي" بأسمه الحقيقي الي هو ( مفضي بن ولمان الاحمدي الحربي) وباسباب مجيه انه رجال مطلوب عليه "ارقبه" وطلابته من جماعتة من الاحامده من حرب - المهم - روحو لهم شمر مناديب وقالوا لهم الرقبه الي في بطنه حنا المسوؤلين عنها اطلبو اللي تبون .. قليل اوكثير واما الرجّال عندنا والله انه ابعد من مطلع الشمس على مغيبها -- قالوا - لاوالله حنا مير ماندري عنه من اول هو حي او ميت مير يوم الله اعقله " نبي الديه " المهم ادفعوا شمر الديه المطلوبه . ..... وطلب الاحمدي البنت من ابوها وجوزه . وجلس عند نسايبه من شمر (18 عام )... ورزقه الله منها بذريه .. واكبر اعياله اسمه حمود . وفي حدا المرات يلعب "حمود "مع عيال خواله " عتمه با الليل .. وضرب حمود واحد من عيال خاله .. وقاله: ولد خاله كلمه(......) ماعمره سمعها حمود .. وراح يم ابوه وقال: يايبه ولد خالي ضربته وقال لي : (.....) قال ابوه اطلعت منهم ( اجدعي البيت يامرة) يوم اصبح الصبح . ويجونه جيرانه ونسايبه .. وش العلم .. قال والله ابد ودي عيالي يعرفون اعمامهم وبنيخيهم .. وانتم ماقصرتم معنا وقضينا عندكم مده ماننساها _ هذا عذره قدامهم _ وقال من قصيدة له وهو ماشي : ياحمود عن ديرت خوالك جلينا ****** سود الوهـم من يـمنا تـلطخ الـجال ليا صار قـربك مايحـشم عـلينا ****** ان طعت شوري دنو الزمل بالحال وصل للحناكيه عند جماعتة الحروب وخذ مايقارب الشهرين وختلف مع ناس منهم .. _وطق جوله _ يبي يرجع الـ نسايبه من شمر وقال هذه القصيدة الرائعة : لاواهني ياحمود من فارق الدوم **************** نـبي عــربـنا ... يـم اطـاريـف رمـان ياحمـود والله ماعـليـنا بها لـوم **************** ماستانـس الـى وسـط نـزل العلـيان ياحمود كني عندهم باشت الروم **************** ومـزودن وزنـي عـلى كـل مـيـزان الله نـشد ياحمود عن معرفة يوم **************** وعشر وثمان اسنين ياحمود جيران ياحمود يظهر لك صديق"ن" من القوم **************** ويظهر من الربـع الموالـيـن عــدوان وعاد الي شمر وجلس عندهم الي ان توفي رحمه الله وجميع اموات المسلمين .. .. وبقيت ذريته في حائل الي وقتنا الحالي " وتلعة الاحمدي معروفه في حائل " ومشتهره بالنخيل
|
 |
|
|
العرض العادي
