متابعة الطقس والأمطار لعام 1427-1428 ( 2 ) - الصفحة 17

nahham · 2006-10-28, 08:59 PM

تسلمون والله ياشباب
اخباركم تسر الخاصر وتبهج النفس
الجو الان في الرياض صحو بوجه عام مع قطع متناثرة وصغيرة من السحب
الهوا جنوبي الى جنوبي غربي متوسط السرعه لكن بارد قليلا ومنعش ورطب

الله يغيث البلاد والعباد ويعم به ارجاء بلاد المسلمين

عبدالوهاب العطالله · 2006-10-28, 09:02 PM

لأن الساعة 8 : 56 دقيقة
البرق يشاهد والرعد يسمع من المنشى جهت الغرب وهو مرتفع وقريب

ولد سدير · 2006-10-28, 09:21 PM

لقبل شوي كلمني واحد من الشباب في ثادق وقال انهم شافوا البرق قبلة الديرة

وهذا فال خير

ولد سدير · 2006-10-28, 09:23 PM

وكذلك في حوطة سدير شافوا البرق قبله بعد

ابشروا بالخير اقبل علينا

مخايل البروق · 2006-10-28, 09:28 PM

اخر الاخبار

عجاح مع مطر رش خفيف وسط القصيم البكيريه

امطار خفيفة على عنيزة مع عجاج

امطار على بريدة وصبت معها المرازيم بس معه هواء قوي

بروق غرب ثادق وسدير

امطار خفيفه مع رش على شمال الخبرا

الجارح 2000 · 2006-10-28, 09:47 PM

ابشركم برق غرب تمير بس بعيد بالحيل

انا طلعت قبل شوي وشفت البرق

يالله يارب انك تسقينا الغيث

الجارح 2000

ديم نجد · 2006-10-28, 09:52 PM

قامة سحابة قوية بروقها مولعه شمال غرب الرس على البتراء سيلة سيل قوي مع غطاء من البرد مشت الارض بقوة

( منقول من احد الأخوان في منتديات مكشات )

الجارح 2000 · 2006-10-28, 09:59 PM

الله يبشرك بالخير

وتستاهل البشاره يالغالي

مخايل البروق · 2006-10-28, 10:05 PM

اخر الأخبار

مطر متوسط على قبلة الرس (( بين الرس والخشيبي )
مطر غزير نوعا ما (( قشع )) على البتراء على نفس الديرة
البروق الآن مولعة شمال غرب القصيم الحروة انها على السناف والمحلاني وفيه بروق تبي تضرب درب الوسمية اللي امس على سميراء والجرير الشمالي

الان بروق شمال مرات ولاتوجد امطار

مخايل البروق · 2006-10-28, 10:16 PM

هذي صورة القمر قبل شوي

المتواجدين الآن بالموضوع : 1 ( الأعضاء 0 والزوار 1)

تصفح القائمة