المتابعة اليومية من22-27 /1/ 1433هـ الموافق17-22/ 12/ 2011م

[راعــے الــدبدبــہ]

المشاركة الأصلية كتبت بواسطة امطار الرياض

راعي الدبدبه
هل النفيض سيصل للرياض

لا اعتقد اخي الكريم ,,كلما ارتفعت الشمس تلاشيه ,,والله اعلم واحكم وعلى كل شي قدير

[ناصر العبدلي]

المشاركة الأصلية كتبت بواسطة الركام

على الجزيره صادق الوسم تضفيه




يالله ياللي صادق المزن تنشيه
تسقي ديار(ن) يابسه من ضماها
وإنك تجيب الصادق(ن) من مناشيه
والارض عقب الموت تبعث حياها
والصلب والصمان تملا خباريه
اكبره(ن) الخمه تفيض وملاها
وعلى الجزيره صادق الوسم تضفيه
يخيط نوه فوق كامل سماها
اسبوع كامل والمخايل تساقيه
وعنها الهبايب جنب الله نحاها
والعشب طالع والمطر ناقع(ن) فيه
والارض زانت من خضار(ن) كساها
ياخذ شهر ويعود سيله يساقيه
والارض من نبته تزايد حلاها
وراع الحلال الطعم ماعاد يشريه
وبيعت الاعلاف تنتف الحاها
ويقول مخزون العلف وين اوديه
تاخذ سنه وتخيس محد(ن) بغاها
وعقب الربيع الصيف بانت مناشيه
شهرين ماينشف عن الارض ماها
هذا كرم من واحد(ن) دوم نرجيه
اللي عبيده لا طلبته عطاها
مسند مازن الميزاني

[rainbow][bor=FF9999]لله درك وصح لسانك[/bor] [/rainbow]

[Tornado Riyadh]

يعطيك العافيه ياراعي الدبدبة
,,,,,,,,,,,,,,,,,,,,,,,,
ناصر القميشي واختي ظل المطر جزااكم الله خير

[كاشيرو]

المشاركة الأصلية كتبت بواسطة تركي الوايلي

ابو راشد كاشيرو الرابط مايشتغل معي ياليت تتأكد منه

ابونواف يظهر عندك مشكلة بالجافا والرابط من ابداع
الرائع راعي الدبدبة كفى ووفى

[ابوحمد الملهماوي]

المشاركة الأصلية كتبت بواسطة راعــے الــدبدبــہ

حسبي الله ونعم الوكيل

الله يستر علينا
والي يقصده راعي الدبدبه والله اعلم ان هناك مدافن للمخلفات النوويه
من قبل امريكا وغيره من الدول اتوقع كذا

[أبو ميعاد]

السلام عليكم ورحمة الله وبركاته
صباح الخير لكل المتواجدين

[هنا القريات]

السلام عليكم
الشركات (تدمر) البيئه الصحراويه
واماكن طلعاتنا للبر ومكاشيتنا
ان شافت (طعس رمل) تطلع له العوايل وتستانس فيه
اكشطته الشركه وامسحته و(نهبت) ترابه بشياولها وقلابياتها
وان اعجبها (سمرا) كلها (مسايل) وشجر
جابت (كساراتها) وخلال شهرين (تلغيه )من الوجود وتجعله (اثرا بعد عين)

عندنا بالقريات شعيب (حصيده وباير)
الشعيبين (فحوله)
وكلها شلالات
ومنابت الشيح والزعتر والقيصوم
وتتكون منها بحيرات جدا جميله
وللاسف (امنعوا) الكشاته
بحجة انها (ع الحدود) !

وتتفأجا
بان الشركات (قلابياتها وكساراتها)
تدخل وتتعمق ب الحدود
وتجيب حصبا ورمل!
وصاحب العائله الكشات (محروم) !

[أبو عمر]

المشاركة الأصلية كتبت بواسطة ناصر القميشي

[rainbow][bor=FF9999]لله درك وصح لسانك[/bor] [/rainbow]

صح لسان قائلها مسند مازن الميزاني

[هنا القريات]

من 3 سنين
اخذت عيالي (طلعه) لشعيب حصيده
كما تعودنا عليه منذ سنين طويله
ووجدنا سيارات (حرس الحدود)
تمنعنا !
ليه !؟

طيب والقلابي ليه يدخل (ابعد) ويتجاوز الحدود
و (يعبي) ماتدري هو حصبا ولا (الله اعلم) !
حنا (نحسن الظن)
لكن هم ليه (يحرمون) الناس من التنزه !؟

واللي قايم ع القلابيات والعماله (غير سعوديين) !!

[ماجد العتيبي]

بمشيئة الله
قد يستمر الاستقرار حتى نهاية ديسمبر
وبوجه عام ديسمبر هذه السنة يعتبر جاف بكل المقاييس
نسأل الله ان يبدل الحال