(( ماذا ستكتب على جدار الزمن )) تفضل وشارك......

[عابر سبيل]

اثر القصايد : تحتري طلة النور ..,
الياغشاها من بعادك : ظـلامي ..!

لا والله اليا غبت .. منتا بمعذور !
لو يوصلك من حر شوقي سلامي ,

ما شفت خاطر دنيتي حيل مكسور؟
طول الليالي ساهره ..ما تنامي ..,

اثر الهوى ماله قواعد .. ودستور ..
يآمر ..وكنه واحدٍ من عمامي ..!!

غصبٍ ألبي له .. ولو جاني قصور ,.
يكرم لعينه :خافقٍ منه ضامي ..!!

[عابر سبيل]

ياللي على رجـم القصايـد تعليـت
وخذت من جزل المعاني دررهـا

لك التحيه كل ماصبحـت ومسيـت
ياروح روح الروح وثمرة زهرها

تسكن بنبض الدم والقلب لـك بيـت
وفياض عشق الروح نبضك ثمرهـا

[تناهيد]

‏الوقت علمني وأنا شخص واعي
إن الصديق اليوم اثمن من الروح

يـ اللي بدونك (مال هالناس داعي)
إن جيت يامرحب و إذا غبت مسموح

[عابر سبيل]

كتبت الشعر (لعيونك) لقيتـك للقصيـد وشـاح
لقيتـك لحروفـي سـوالـف عشقـي ونبعـه

ابيك اقوى’ من جروحك ’ تحدى هالزمن وارتاح
لان الدنيا ماتسوى على شان الزعـل دمعـه

[عابر سبيل]

لو كل زلة رفيق أشيل منها وأضيق
‏تعذرت فالرفقـه وصكّيـت بيبانها
‏
‏ماكل من قال أنا صاحبك أعده رفيق
‏ولاكل زلة رفيق أزعل على شانها”

[عابر سبيل]

غلااااااك عندي يارفيقي أمانه
ماخونها مهما الصعوبات تزداد..
لك وسط قلبي أحتراااام ومكانه
ولك الغلايومن بعد يوم يزداد..

[رذاذ]

،
،،،

حـيــاك يـــا مـــن سـاكــن الـقـلـب حـيــّاك ،،، حـيـّاك عـنـدي واسـكــن الـقـلـب بـرفــوق

ارفـــق عـلــى قـلــبٍ يـحـبـك ولــــولاك ،،، مـحـدٍ عــرف للحـسـن والـفـن والـــذوق

سبـحـان مـــن صـــور جـمـالـك وســـواك ،،، تــرى المـولّـع نـاحــل الـحــال يـــا شـــوق

عـطـنـي دلـيلٍ بـالـوفـاء لا عـدمـنـاك ،،، واعطيـك شعري لـو غـدا القلـب محـروق

والله لـــو تـــدري عـــن الــشــوق يـمـنــاك ،،، مـا صافحـت غيـري مـن النـاس مخلـوق

،،،
،

[عابر سبيل]

هلااابك شاعرتنا الراائعة وأختي الغاليه ( رذاذ )...
نور جدار الزمن بتواجدك ومشاركاتك التي اعتبرها تشريف لي ....

[عابر سبيل]

تبختـر بيـن دقات الخفوق ونشـوة التفكير
ترى كل الحياة أصـغر من اللي بينـي وبينك

أحس انك تجي والعـشب ينبت والطيور تطير
وأحس إن السـحاب يلوح براقة على يدينك

أحس بروعة الدنيا وأحـس إن الزمـان بخير
وأحسك للحياة أعذب ندا مكتوب في عينك

[عابر سبيل]

توك قبل لحظه على البال مريت
توني اسولف عن غلاك لعيوني
اقسم لك اني عنك انا ما تخليت
يهون عمري و انت لا ما تهوني
مثلك عزيز لا حشا ما تناسيت
لو كان وقتي والمشاغل حدوني