(( ماذا ستكتب على جدار الزمن )) تفضل وشارك......

[عابر سبيل]

في خاطري ضيقه من العصر للحين
تكتم على أنفاسي على الله فرجهـا


وذا الحين تالي الليل والناس ممسين
عيّـت تْفارقنـي بْواسـع فْججهـا


باسبابها ليلي سرى خاطري شيـن
وباسبابها دمـع النواظـر زعجهـا

[عابر سبيل]

الصراحه تندفن لأجل الأمآن
............. والحقيقه وآضحه ونشوفهآ

والقطآعه تندرج في هـالزمآن
.............. تحت قولة( خلهآ بظروفهآ )

[عابر سبيل]

قَدرك كبير " و يعجز الشِّعر يوّفيه ,
_______ كل القصايد فيك ينضب بحرهآ !

" آرفع يديني " و أسأل الله وآرجيه
_______ ينجيك من .. شر الحيآة و كدرهآ

[رذاذ]

إنتعاش الورد في لحظة وصال
والذبول أنواع والفرقا قهر

والنجوم أشكال في عرض الليال
والكواكب فوق وأحلاها قمر


،،،
،،

[عابر سبيل]

ليه لامنك على بالي طريت
تمطر الاشعار في قلبي وانا

اكتبك واقراك واشعرلا قريت
منت عادي بين ضلعيني هنا

انت حاجه نادره فيما احتويت
لاهي شمس ولاهي نور ولاسنا

من لقيتك مادريت اني لقيت
قلب نساني همومي والعنا

[عابر سبيل]

البارحه جابك على البال طاري
والقلب هزه صادق الشوق للصوت


مثل المطر صوتك وسمعي صحاري
احيا على صوتك وبغيابه اموت

[عابر سبيل]

خذني معك لاصير جسم بلا روح
حيث أنها تقفي إذا اقفيت روحي

أرحم خفوقا" بين الاضلاع له نوح
عقبك يعلم ساجع الورق نوحي

ليلي يطول أن غبت من غير مصلوح
أن جاء النهار أطول وعيا يروحي

سري بحبك دايم الدوم مفضوح
وإن ما نطقت دموع عيني تبوحي

باب المحبه لك مدى الدهر مفتوح
وعن حب غيرك فيه تسعين لوحي

[عابر سبيل]

من لايحس بلوعة فـــراق غاليـه..

سلم عليه_ و عزه بموت الإحسـاس..

واللي عجز يفهمني "الله يهديــه"..

قله.. قتلني دونه الخـوف والـيأس

[عابر سبيل]

علمتني كيف اعزك دوم بسكات
كيف اوصل لقلبك وانا في مكاني
اعطيتني يمناك رغم المسافات
زرعت بي حب الامل والاماني

[رذاذ]

اذكر اني كنت عايش بالليالي الاوليّة ...
واذكر اني وقتها كنت اعيش باحضان غابه

ماعرفت الا عبارة مثلها مثل الوصية
عيش عمرك ذيب تسلم من مخاليب الذيابه

،،،،،،،