المتابعة اليومية لأخبار الطقس والتوقعات من (16-20/ 3/ 2014 م )

[ماخاب من قال يارب]

المشاركة الأصلية كتبت بواسطة سفير الحيا

ههههه مالومك والله

بس ياخي الواحد احيان يخرج عن طوره من مايحصل

رد وايت بـ 350 ريال أربع مرات بالشهر !!

حنا ندري المسئولين مسافرين برا السعوديه مادرو عنا

اعتدرللمداخله

أخي..سفير الحيا

لأتعلم ماذا تخبى لك السنين قد تكون السنه القادمة اذا كتب لنا ربي عمر((القصيم والغربية))

لا تنسى القصيم وبالتحديد (عنيزه وبريده))أمطارها السنه اقل من المعدل خلي املك بالله كبيرودعنا نتفأل والحمدلله يارب على كل حال

تخيل موقفك لمن يتوقعوو أمطار على المنطقة الفلانيه وبعدها ربي لم يكتب شي لتلك المنطقة تعرف من يقولو بداية الحاله على القصيم اتعلق في الشباك وكل شوي خارجه برى وعيوني ع السماء وبعدها لا ترى شي الا أمطار خفيفه او فوق الخفيفه

وكلها اجتهادات بشرية ونسبة خطأها أكثر من الصواب كل الخبراء ماقصرو جعل ربي يكتبه في ميزان أعمالهم يارب

[Abu Labeeb]

المشاركة الأصلية كتبت بواسطة سفير الحيا

وسط القطاع الغربي محيّر العالم والمواقع !!

واقعه يخالف مواقعه وأصبح لغز صعب على الجميع

في بداية أي حاله الغربيه ووسطها مرشّحه ولكن عند اقتراب الحاله ودخولها يُلغى الترشيح بعد أمر الله

لمن يسأل عن وضع القطاع الغربي فالوضع كما هو مثل أي حاله مضت

صلاة الأستسقاء مالنا عهد فيها عسى الله يرحمنا برحمته

السبب اخي سفير بعد مشيئة الله واااضح
هو نشاط الرياح الغربيه مع كل حاله
يوم الحاله تنشط الغربيه.

[Tornado Riyadh]

امطار متوسطة على حريملاء الان

[الإستراتيجي]

مطر طشاته كبار قريب صوته صوت البرد

[المزن]

مبروك الأمطار يا أهل الوسطى

عقبال المناطق الثانيه

[حالة جوية]

نقدر كلامك ومقصدك اخوي سفير الحيا
والله يرزق البلاد والعباد ويسقي أوطاننا بالأمطار النافعه
وقلوبنا بالإيمان الصادق واليقين المطلق
رحمة الله قريبه وواسعه
ندعو الله ولا نعترض او نقنط من رحمته فخيره أقرب
نرضى بما يكتب لنا فهو سبحانه مدبر هذا الكون العظيم

[إدارة الطقس والفلك]

تنبية !

نتمنى الأبتعاد عن الاحاديث الجانبية التي لا تخدم موضوع متابعة الطقس وتشتت المتابعة
وسوف يقوم مشرفي القسم بأستبعاد وحذف اي مشاركة خارجة عن موضوع المتابعة

***

[Tornado Riyadh]

سحابه مقبله الان
اشوفها من موقعي

[سحاب شقراء]

المشاركة الأصلية كتبت بواسطة فريق المتابعة

من بشائر الخير
7.25 امطار متوسطة على اشيقر (شمال شقراء)
7.30 البروق تشاهد شمال وغرب الرياض مع رش مطر خفيف
7.35 مطر طيب على سدوس شمال الرياض
7.45 امطار متوسطة على حوطة سدير
7.50 امطار متوسطة على العيينه مع بروق ورعود (شمال غرب الرياض)
8.00 امطار فوق المتوسطة على الدرعية مع رياح هابطة (شمال غرب الرياض)
8.05 بروق ورعود مع رش مطر خفيف ورياح هابطة على العمارية (شمال غرب الرياض)
8.10 امطار متوسطة على خطامة سدير
8.15 امطار متوسطة على حي حطين (شمال غرب الرياض)
8.20 جريان شعيب الحيسية شمال غرب الرياض
8.25 رش مطر خفيف على بعض احياء عنيزة
8.35 امطار متوسطة على شقراء والشوارع تمشي
8.40 امطار خفيفة على الداهنة (جنوب المجمعة)
8.45 امطار خفيفة مع مشاهدة البرق على جلاجل سدير
8.50 بروق قوية تشاهد غرب وشمال غرب الدحله (جنوب الرس 60كم)
9.00 رشوش مطر خفيفة على البدائع بالقصيم
9.10 البروق تشاهد غرب الداودمي
9.15 امطار متوسطة على القصب بالوشم سيلت الشوارع وصبت منه المثاعب
9.30 امطار متوسطة على الدوادمي مشت منها الشوارع
9.50 امطار غزيرة مع برد صغير مع بروق ورعود على الدحله والمثاعب تصب واﻻرض بحور (جنوب الرس 60كم)
10.00 امطار شبه غزيرة على دخنه (جنوب الرس)
تصبحون على خير
قناة البراري

السلام عليكم ورحمه الله وبركاته

اخواني فريق المتابعه الغالين- حبيت اصحح معلومه

كلمه وصبت منها المثاعب ليست مقياس لكميه الامطار التي هطلت في وقتنا الحالي

وصبت منها المثاعب - كانت في الماظي القديم مقياس دقيق لكميه الامطار ولاكن في بيوت الطين فقط

ولا يقاس بها في وقتنا الحاظر والمباني الحديثه لو تنكب بياله شاهي في السطح الان كان يصب المثعب

[Tornado Riyadh]

ان شاءالله الايام القادمة
سنشاهد الامطار والخيرات والعواصف الرعدية بالعاصمة الرياض