السلام عليكم
استأذن من مشرفتنا الخلوقة (رذاذ) يمكن تأخرت
او انشغلت عن تنضيم المحاورة وارجو ان تسمح لي
بالقيام بتنضيمها : هنا
(مزن البرد)
انا الليله حضرت من الغياب وجيت بعد اغياب
ومن يلــــــفي نقدم لـــه دلال الكـــــيف مليانه
شباب ارجال والا اكبار ســـــــن وكلهم شياب
نبي نشرح صـــدور الناس لين تعـود طربانه
(راع العرض)
هلا يا مرحبا ياشاعرن فيه الرجا ما خاب
حضـــر وليا حضــر قمنا علشـــانه علشــانه
مدام ان السفينه فالبحر خذنا معك ركاب
ترا بحـــر العرب مكسبك لولوه ومرجانه
(مزن البرد)
يدوم الك البقا يالي تعزوى يفتل الأشناب
يقول القول ويطـوله واثمن كلمة السانه
ابو زيد الهـلالي كل ماقلنا طهــور وتاب
يصفي ماه ويزله وخـــلى الناس هلـكانه
(راع العرض)
عسى ربي يجملنا معك يا خيره الأصحاب
يقوله واحدن يا صاحبي عدك من إخوانه
تحذر يا رفيقي وانتبه يومك تطق الباب
ترا اخلاق العرب تالي الزمن بالحيل خربانه
(مزن البرد)
لعلك سالـــم وغانم حضرت ونلت منا اعجاب
تســــير اخطاك في دربن كلامك جاب برهانه
انا مابيـــــــك ترفعها كـــذا في عالي المرقاب
ابيك اتصونها عن شوف عين ابلـيس واقرانه
(راع العرض)
أنا لولا العجب ياستاذ ماجيتك مع الطلاب
وقول الحق دائم راجحن بالحق ميزانه
رفعت السالفة من قبل لاتاطى ذنيب الدأب
ترى ها الدأب ابو نابين لاتاكلك نيبا نه
(مزن البرد)
اظنك دارس وقاري قبـل لا تصعد المحراب
عرفنا محتوى المكتوب من خطه وعنـوانه
علامـك كل مانمشي تلـــفت خايف ومرتاب
عليك اسم الله اكبر والجمل ماتقضب اعنانه
(راع العرض)
أنا بسالك جاوبني وحاسب للعلوم حساب
راع الدكان قلي ليش طمعانن بدكانه
ومدام انك تبي تفتح دروج داخل الدولاب
أنا بري منك ومن هروجن مالها خانه
(مزن البرد)
عليه بالحرام انـــك بوجهي مايـجيك اعتاب
وانا مع راعي الـدكان الي خـــوخه ورمانه
تطمن ماعليك اخلاف انا اسدك سباع الغاب
ولـــن قامت علي الــحرب لاتـقرب لمــيدانه
(راع العرض)
اثر مزن البرد شاعر خطير وفاللقا ماهاب
على درب المخاطر والمصاعب يسرج حصانه
أخاف تموت اذا ان السبع حطك بين ناب وناب
لكن طعني وجود ساس بيتن نمت بأركانه
(مزن البرد)
انا ضمن العرب شاعراقابــل بالصعاب اصعاب
ولد العـين عن رجلٍ طــــغى الضالم من اذعانه
وانا والله محــــــب الي تخـــــيفه فية المشعاب
ترى مامن خـطر لـو قلــــــت له حقي هنا عانه
(راع العرض)
الى من صار في جلدك حساسيه وفيك اعصاب
فسو اللي يسوي الطير الى من رف جنحانه
لك الله ما تضيع احقوقنا فالموقف الغصاب
ولا ألد النظر للي على دانه ولا دانه
صحة الألسن ونشكر كل من شاركنا في
هذه الصفحة : تحياتي للجميع
2013-12-29, 12:55 AM
العرض العادي
