عاصوف يطير بك

[معدي المرقاب]

معلومات جيده عن العاصوف

اذكر مره كنا تحت طلحه مقيلين وعفشنا في كل مكان

ثم مرنا العاصوف وحاسنا حوسه ماخلا ولاحاجه محلها

الله يعطيك العافيه على الموضوع

[النايفات]

الله يهديك اخوي هادي

من جا طاري العواصيف وهي مدبره

وسمعت من اسباب كثرة العواصيف قلة الامطار

شكرا على المعلومات

[ابو الليل]

هههههههههههههههههههههههه
الظاهر اللي مختار لك العنوان عجوز

[هماليل السحاب]

يادافع البلا
فال الله ولا فالك
الله يعجل بالوسم وتروح العواصيف

[nahham]

هلا اخوي هادي

اشوف الشباب لديهم تحفظ على العنوان

من جد العنوان صارخ

[صادق الوعد]

يالله اني دخيلك
فالك ماقبلناه يالغالي

[أبو ثابت]

أخوي هادي وأنا أقول وراك مسمر هاليومين أثره من المطارد ورى هالعوافير والعواصيف في هالشموس ..!!

أقول حبيبي لايهمك كلام الشيبان أجل شيطان .. !!

يابن الحلال على طريق القصيم قبل فتره قطع قدامي هالعاصوف وانا اللي أنصاه بالسياره وربك ستر بغيت أخمس في الشارع بس أنا تعمدت أصدمه قلت عشان أشوف هل هو شيطان والا سوالف ؟؟

[هاوي رحلات]

ابو ثابت ان كانك صادمه بالسياره الي بتوقيعك
عز الله الله انك ذبحته

[الجنوبي 2000]

ما شاء الله عليك اخي هادي

موسوعه في المعلومات ولكن المشكلة مصداقية كلام الشياب ما ندري عنها

[فايز]

وش هالعنوااااااااااااان الله يستر