قصيدة يرسم لك البسمه على مر الانهاك ( احذر رفيق السوء حذراك حذراك )

[الوااا(بالله)اااثق]

قصيدة يرسم لك البسمه على مر الانهاك
يالله يافاطرعلى الخيرعبدك
واتزيدنا اليا حمدنا وشكرناك
نطلبك يارحمن من جود مدك
ترعى لنا اللى يبني العزلرضاك
اللى بنى للشعب من جود يدك
امجاد عزوكلها من عطاياك
اللى بنالك ياشباب (ن) وعدك
قرم(ن) شجاع وبالمعادين فتاكش
كم مال يصرف لجل سعدي وسعدك
وحدائق(ن) غنّا على طول ممشاك
أمن وأمان وعزمافيه قدك
ادرالشرف لا تبدّل النعمه اشراك
من مثلنا بالخيركلا يحسدك
بالنعمه اللى سويت لك من صباك
ياشب مامثلك ولا فيه ندك
حتى الملاعب جهزوها لسلواك
تكفى الشباب ابعد عن اللى يضرك
العار لوتشرى دمارك بيمناك
وابعد عن اللى فى كلامه يغرك
لاتطاوعه من خوف تندم بدنياك
واللى ضحك لك يافتى مايعزك
كم واحد يضحك وقصده خفاياك
اللى لنار الويل وده يجرك
احذر رفيق السوء حذراك حذراك
احذرترى لمرافقه يوم ضدك
لوفيه خير(ن) ماتركه ذا ولا ذاك
اللى بسم العصر وده يبرك
يبغى هلاكك يوم من سمه اسقاك
سما به الشيطان يبغى يودك
يرسم لك البسمه على مرالانهاك
وانته ترى رهن(ن) بخيرك وشرك
ان طعت راع الشر فى شره اعداك
اليا عصيت وطعت من لا يسرك
السجن والا القبران طال ملفاك
تفقد شبابك والمصايب تهدك
وعزى لمن مثلك بلي زي بلواك
امصيبه لدرب المصايب تحدك
من اول نهار(ن) يمها تزلق خطاك
تذهب سناء وجهك وعقلك وكدّك
والخاتمه بالسيف يضرب معلباك
دنياك حسره ولجهنم مردك
فعلك بنفسك يوم ماطعت مولاك
وين الشرف عادات جدى وجدك
تجاهلك للدين شف وين وداك

منقوووووله

[متآبع المزن]

صح لسان قايلها وسلمت انامل ناقلها ,
يعطيك ربي العافيه على هالقصيدة المميز ,

[الذعذاع]

الله الله
صح الله لسااااان شاعرها
وصح ذوووقك مليووون ولا يسدوون
ابياااات قمة القمه ماشاء الله
تستاااهل التقييم

[الركام]

شكرا لك يالواثق بالله
اختيار جميل