| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2011-02-03, 09:18 PM
|
||||
|
||||
قصيدة ابو دباس في ابنه دباس ورد ابنه عليه
ابو دباس يقول لولده : يـاونـة ونيـتـهـا مـــن خـــوا الـــراس مــن لاهـــب بالـكـبـد مـثــل السـعـيـره ونيـن مـن رجلـه غـدت تقـل مـقـواس يــون تـالـي الـلـيـل يـشـكـي الجـبـيـره ياحمـس قلبـي حمـس بـنـن بمحـمـاس ويـاهـشـم قـلـبـي هشـمـهـا بالنـجـيـره ويـاوجـد حـالـي يـامـلا وجــد غــراس يـوم اثمـرة غرسـه صفـة عـنـه بـيـره علـى ثمـر قلبـي سـرى هجعـة الـنـاس متـنـحـر درب عــســى فــيــه خــيــره الله يفـكـه مــن بــلا ســـوء الأتـعــاس ومــن شــر عبـثـات الليالـيـي يجـيـره فــي ديــرة تقطـعـت عـنــه الأرمـــاس سـبـعـيـن يــــوم لـلـركـايـب مـسـيــره لاوالله الا حـــال مـــن دونـــه الـيــاس حـــط الـبـحـر والـبــر دون الـجـزيـره يالله يالـلـي رد مــن عـقـب مــا يــاس يوسـف علـى يعقـوب وابصـر نظـيـره تــرد عـلـي دبــاس يامحـصـي الـنـاس يـاعـالــم مــــا بـالـخـفـا والـســريــره يادباس انا بوصيك عن درب الأدنـاس تــرى الــذي مثـلـك يـنـاظـر مـسـيـره عليـك بالتـقـوى تــرى الـعـز يـادبـاس فــي طـاعــة الله مـــا ينـجـيـك غـيــره هـذي ثمـن سنيـن مـن رحـت يادبـاس لا رسـالــة جـتـنـي ولا مـــن بــريــره يادباس من عقبك تـرى البـال محتـاس وعلـيـك دمــع العـيـن حـــرق نـظـيـره وعليـك كنـي فـي دجــا اللـيـل حــراس اصبـح علـى حيـلـي وعيـنـي سهـيـره اصبح وانـا مـا بيـن طـاري وهوجـاس وطـــواري تــطــري عـلـيـنـا كـثـيــره مثـل الوحـش قلبـي علـى كـف حـبـاس يكـفـخ كـمــا طـيــر سـبـوقـه قـصـيـره متحـيّـر مــن عيـلـة الـبـيـت يـادبــاس ارجــي ثــواب الله واخـشـى المـعـيـره اخـاف مـن حكـي الـعـدا ثــم الأنـجـاس اهـــل الحـكـايـا الطـايـلـه والـقـصـيـره ويـقــال خـــلا عـيـلـة عـنّــر الـــراس اقـفــى وخـــلا عـيـلـة لــــه صـغـيــره والا فـانــا يـابــوك قـطــاع الأرمـــاس مــانــي بـمـثـبـور ورجــلــه كـسـيــره اصلـك لـو دونـك نبـا حـمـر الأطـعـاس الصلـب والصـمّـان مــا هــي عسـيـره مـهـالــك مــــدارك مــابـــه اونـــــاس الا الـثـعـل والـبــوم تـسـمـع صـفـيـره ياراكـب وجننـا مـن الهـجـن عـرمـاس فـجـا النـحـر يـادبـاس حـمـرا ظـهـيـره مـتـروس الفخـذيـن مـزبـورة الــراس كـــن الـخــلاص عيـونـهـا مسـتـديـره تسرح من العـوده علـى نـور الأنفـاس عـنـد الفـجـر واللـيـل مـقـفـي مـريــره والعصر بالصمّان تسمع لهـا اضـراس حـبـل الـرسـن خـطــر تـبـتـر جـريــره نـهــار ثـالــث بـيــن حـمــا والأرواس واره يمـيـنـك جعـلـهـا لــــك سـفـيــره ثـــم عـلــى سـاجـيـه تـقـلـب الـــراس تمشـي باهلـهـا فــي البـحـور الغـزيـره فيهاالطبـيـخ وراهــي الخـبـز يـادبـاس يـقـعـد خـــوا الـــراس خـنــة خـمـيـره هـي ديـرة اللـي بـاغـي كيـفـة الــراس ولا لـه حـد هـمـه مــن الـنـاس غـيـره هيـس ولـد هـيـس للمواعـيـن لـحـاس يـفــرح لـيــا نـيــدي لـذبــح النـحـيـره مـا قفـك ذا يادبـاس مــا فـيـه نـومـاس يصـلـح لـقـيّـن مهـنـتـه طـــق زيـــره تــرى الـفـداوي دون وانـشـد الـنــاس راعـيــه مـــا يـذكــر بـمــدح وغـيــره ما له سـوى طـق الحنـك منـه واليـاس واليـا انقطـع خـرجـه فــلا لــه ذخـيـره طلـب المعيـشـه بالحـراثـه والأجـنـاس المشـتـرى والبـيـع يـوصـف وغـيــره قـم انهـض العيـرات مــع كــل فــراس يــادبـــاس دور خــيّـــر تـسـتـشـيــره جــدّك وعمـانـك هــل الـعــز والـبــاس هـــل الـمـوجـب مكمـلـيـن الـقـصـيـره يادباس ما يصبر علـى البـق والحـاس الا الــــذي مــالــه بـنـجــد عـشــيــره واليـوم مـا مــروي شـبـا كــل عـبـاس انــت الـرجـى ياكـعـام وجــه المـغـيـره عشريـن عـام كلـهـا ارجـيـك يـادبـاس مـثــل الـغـريـر الـلــي تـولــع بـطـيـره عــدل المنـاكـب هيـلـع فــرخ قـرنــاس يمـنـاه فــي لـطـم الـحـبـاري شـطـيـره عانـق خلـوج روحـت عقـب مــرواس عـنــد العـصـيـر لبيـضـهـا مسـتـذيـره الليـل جاهـا وحـال مـن دونهـا الـيـاس روحـهـا عـلـى فـرقـاه فـــرت فـريــره يادبـس انــا يـابـوك مــا نـيـب بــلاس مـيــر ان عـيــلات الـرفـاقــه كـثـيــره جنبت وسط السوق وامشي مع الساس واخــذ شــوي الـحـق واتــرك كـثـيـره يادبـاس لـو جبـت مـن دحـب الأكيـاس مخـتـلـفـة مـــــا بــيـــن رز ونــيـــره مــا لــي بـهـا ياجعلـهـا بـالـف قـبــاس او جعلـهـا تـذهـب ولــو هـــي كـثـيـره يادبـاس قلبـي كــل مــا هــب نسـنـاس شـرقـيــة هــبـــة بـقـلـبــي سـعــيــره والحـال يافـرز الوغـى مسـهـا الـبـاس عـلـيــك يـانـاطــح وجــيــه الـمـغـيـره وغصـون قلبـي يافـتـى الـجـود يـبّـاس غـــاد انـــا يــابــوك كــنــي هـشـيــره مــن شافـنـي يـقـول ذا فـيــه لـســاس والـلـي بــراء حـالـي الآهـــي خـبـيـره لا وعـلـى مــن قـبـل غــوال الأنـفـاس ومــفــارق الـدنـيــا يـجـيـنـا بـشـيــره عسـى يطـق البـاب والـنـاس غـطـاس يــاوالــي الــقــدره عـلـيــك تـعـبـيــره وصـلاة ربـي عــد مــا هــب نسـنـاس عـلـى النـبـي عــدة حـقـوق المـطـيـره يتبع
|
| أدوات الموضوع | |
| انواع عرض الموضوع | |
|
|
العرض الشجري