اخوي ولد حريملاء اسعد الله جميع اوقاتك بالخير والمسرات
والله يجيب الخير ياكريم قبل كم يوم انا والاخ الحر جالسين نتناقش عن سدير والمجمعه خصوصا هالسنه وان سبحان الله خاويه على عروشها سدودها ووديانها ماجانا ابدا هالسنه سيل مطر خفيف يركد الارض منه بس ولا رش سبحان الله يايروح شمال ياغرب ياشرق اقسم بالله ضايق صدري قبل امس اجازات والناس طالعه ومبشكه ومتكيه على السد والارض غبره ولاقطره ماء واقول لاحدهم وش جالسين للغبار الشكوى لله وش تناظرون قال نناظر مكان المطر بس لو يرد الذكرى والله كادت تنزل دمعتي وتعوذت من ابليس ومشيت .
الله كريم وجعل حظنا مثل باقي الديار وحريملاء وباقي بلاد المسلمين
تصدق اقسم بالله صرت احب حريملاء بسببك ولاماعمري تشرفت بزيارتها وربي كل مامريت مع السريع جاي للمجمعه من الرياض وشفت لوحتها فز قلبي وذكرتك ومبلش زوجتي واميمتي هذي ديرة ولد حريملاء اللي في البراري وبعدها امسك بهم خط عن الطقس والاجواء واتفلسف
عمرما بارك الله فيك ولاتنسانا سدير من توقعاتك
2010-02-18, 10:09 AM
العرض الشجري