متابعة الطقس من 10 - 18 / 8 /1430هـ الموافق من 1 - 9 /8 /2009 م

[المنتظر]

المشاركة الأصلية كتبت بواسطة ولد حريملاء

هههههههه

يعطيك العافية اخوي .. جزاك الله الف خير على هالنصيحة

حقيقه يا غالي انت راصد مميز خاصة في المتابعة الارضيه والتي يفتقرها اكثر الناس وانا اولهم

منول ارصد فوق خزان البيت .. تخيل فوق الخزان .. كني رادار يمين ويسار .. الان صرنا عجازين مغير نفر على هالخرايط

ولا انسى جدي غفر الله له ورحمه .. كنت جاي انا وياه من الرياض وهبت جنوبية شرقية قوية شوي وانا اصلي وياه على خط القصيم

قال بالحرف الواحد .. انتظر الخير بإذن الله الليله .. ابد ما وصلنا الديره وما اذن العشاء الا البروق في كل مكان

تدري اخوي المنتظر .. وش انا فاقد .. فاقد سحاب الليل .. معظم السنوات الاخيره كان السحاب سحاب نهار

سحاب الليل والبروق مشعلله قل كثيرا عن السابق .. والحمد لله على كل حال

ابشرك الابار مليانه عندنا .. الوسم خير وجانا خير في شهر 4 ما شفنا مثله من زمان

:new3: لك ربع يارجال عندي قريب لي يدرس بالثانوي احيانا اشوفه موسم الامطار فوق السطوح
اول مره اشوفه قلت وش بلاه اجل الولد عامل له عمله سالته قلت عسى ماشر قال ابد ابطى المطر ما جا قلت اشوف منا والا منا تباشير خير
************************
من ناحية الرصد الارضي خبرة الشيبان افضل ودايم النسبه في توقعاتهم قويه
*****************
اللهم لك الحمد والشكر مشاء الله تبارك الله
الله يزيدكم من خيره ويبارك فيه
الوسم الي راح مشاء الله جا خير كثير في وقته
*****************
والله صدقت فقدنا سحاب الليل المدلهم الي لا برقت تبرق السماء كلها ولا تشوف الا سناه
والي فاقدينه بعد الديمه الي رعودها تبطي على مدار الليل والنهار تستمر 10 ايام
وانا اذكر في احدى السنوات وانا طالب رايح زياره لاقارب لي في الرياض جات ديمه اخذت تقريبا 10 ايام ثم انقطعت ثم رجعت مثل على ما اضن انها في 1416 او 1418
الله يعجل بالخير العميم
لاهنت