سبحان الله
الى اين استمر جريان وادي الرمه في ذلك العام !؟
وهل بدأ من حرات المدينة مباشرة او من بعد ذلك ؟!
..
هلا اخوي والله اكيد لنهايته على مااعتقد بالعراق
واما بدايته من روافده القريبه وبعدين وصل من جهات المدينه وجنوب حائل وللمعلوميه اول على كلام شيباننا رحمة الله عليهم ونا مكن على البعض منها كانو يسافرون للحجاز قبلقبل الاسفلت وكانت تعترضهم اوديه مثل وادي الرمه ووادي الحليفه وادي ابالكروش من جهة القصيم وكانو بعض المرات يمكثون حول الشهر على جاله لحين يخف جريانه ثم يقطعونه وويواصلون طريقهم
ومن المواقف الطريفه على كلام الوالد الله يرحمه يقول كنا انا واحد من حائل معروف بالنشاط وكان الله منعم عليه بالعافيه والهيبه ولاكنه كان (يتتن ) يعني يدخن ويقول ركبنا لنا على لوري بالصندوق وكان ممتلي من بدو وحضر وعفشنا حاطينه على جوانب صندوق اللوري من برى وكان فيه بعض الخروج بداخلها (عكك) يعني قرب سمن بري المهم الرجال قام وولع زقارته وبدا يتتن وهم لك يتضايقون الركاب طف تتنك مانا مطفيه يقول الوالد
قمت انا وكلمته بحكم معرفتي به وقال ابشر وهو يرمي الزقارة وشوي الا والنار شابه بالعفش اللي على جوانب صندوق اللوري ونطق على السواق وقف وقف ويالله وهو يوقف ونطفي النار اولله البلشه هالحين مافرحنا على الله انه يطفي سقارته وتهدى الامور هالحين اكيد يبون يتذابحون وكادو ان يتذابحون لولا الوجاهات وتدخل بعض الركاب بفك الاشتباك
2014-03-01, 04:22 AM
العرض الشجري