شوقي لها

[سحاب شقراء]

المشاركة الأصلية كتبت بواسطة عبدالمحسن العمر

شوقي لها


بسم الله الرحمن الرحيم


( شوقي لها )

تدرون وش جالس أسوي أنا الحين
.............................. ..........جالس أفكر في حلات المزايين

أللي خذت قلبي و عمري وروحي
.............................. .........أصبحت كني من عداد المجانين

و الله ما غابت عن القلب لحظة
.............................. ....لو كنت قايم مع صفوف المصلين

شوقي لها شوق العراقي لبغداد
.............................. ......اللي حداه الهم و الغم و البين

ياويل حالي لا تبسم حبيبي
.............................. ..تنزاح عن قلبي هموم ٍ من سنين

ينحاس فكري لا فقده ثواني
.............................. ..أبيه أنا بجني حبيبي يسلين

ياريف قلبي يا سحابة حياتي
.............................. ....تسقي عروق القلب تنبت رياحين

مسكين قلبي ماتحمل غلاها
.............................. ...تايه معاها يا غلات المحبين

الشعر ما يكفي ولاهوب يكفي
.............................. .....في وصفها تعجز كثير الدواوين

لاكن على ما قيل مقدر أوضح
.............................. .....خوفي عليها من عيون الحسودين

أجلس اسولف مع هلي واتهنى
.............................. .........ولا الفكر مشغول مع داعج العين

ياروح روحي يا بعد كل غالي
.............................. ......بعدك يشقيني و قربك يداوين

مجنون ليلى ما يوازي غلايا
.............................. .....أحبها واعشق هواها من سنين

ياالله عسى ربي ولي المخاليق
.............................. .......يحفظها من شر البشر والشياطين


مخرج

روح الغلا سميتها روح الغلا
...........................مسكانها قلبي وهي لذة غلاه
إي و الله أني في هواها مبتلا
.............................عز الله أن الحب ملعون ٍ ثواه

اظهر يالمستخبي ههههههههههههه هاه اشوفك باح سدك هههههههههههه تراي حبيت امازحك يالغالي لاني امون

الله يوفقك يالغالي ويسمح امرك ويسعدك دنيا ودين

[عبدالمحسن الرحمه]

سحاب شقرا ياهلا والله بشاعرنا القدير صح الله ابدنك