متابعة حالة عدم استقرار في الثلث الاخير من ابريل الخير 2012..بمشيئة الله تعالى (21 _30)ابريل

[برق الدوحه]

المشاركة الأصلية كتبت بواسطة الخليه السريه

صح يالغالي بسس لا تنسى الثلاث ايام الي راحت الهوا كان شمالي غربي متعدل اوقات نشط وهذا يبرد وجه البحر حتى لو الجو في شوية حرورة وما تنسى بعد الجو كان في غبار واشعة الشمس ما كانت قوية والحرارة للحين في اواسط الثلاثينات العام الماضي كانت موصلة في مثل هالوقت 40 او فوق ال 40 درجة
والجو للحين الفجر بارد وامس الجو بارد بالليل بعد
تحياتي لك يالغالي وان شاء الله كانت رحلة موفقة وكان الصيد زين

مشكور يابومحمد بس اليوم مارحنا الصيد رحنا الشاليه في دخان وهو خاص العاملين في قطر للبترول
اخوي متى تتوقع انتهاء فترت السرايات على دوله قطر

[هاني نعمان سالم (الخليه السرية)]

المشاركة الأصلية كتبت بواسطة برق الدوحه

مشكور يابومحمد بس اليوم مارحنا الصيد رحنا الشاليه في دخان وهو خاص العاملين في قطر للبترول
اخوي متى تتوقع انتهاء فترت السرايات على دوله قطر

فترة السرايات تنتهي بقطر بالوقت الطبيعي على منتصف مايو واحيانا قبل لان دوووم اخر سراية تتصف بالقوة وتكون قوية جدا بس ما تكون شاملة قطر كلها متى جت هالسراية تعرف ان وقتها انتهى خلاص احيانا تجي بالليل واحيانا تجي وقت العصرية
ودووم خليتها تتكون على الشرقية وتقوى وهي تتحرك لقطر لين تضربها وبعد ما تدخل البحر تضعف
والله يجيب الخير

[براق نجران]

خبرائنا الغالين ما فرصة نجران غدا وباقي الاسبوع