الى الشاعر الكبير غانم الضومري مع التحية

[غانم الضومري]

المشاركة الأصلية كتبت بواسطة سمو المشاعر

أنبسط خـــوي غانــم فسروها الحـــلام
قـــالوا طـاغوت زمـــانه جثته مشوهه

ودوب تحليـــل دي إن يعرفون الغـــلام
وان صــــدق علمـــهم شـــامنا مْزهِبـه

فــي ربوع المـــدائن يبـعثون الســــلام
التـــعايش يعـــم كل(ن) على مـــذهبــه

نطلبـــك يــا إلهـــي جلــي هذا الغمــام
شيل بشــار سرعة ومن مـــعه وذهبه

وادمر اللي دعمه في الأمم واستقــــام
أفطس الخشم صيني ورسي ياما اكذبه

وفي البداية سلام وفي النهاية ســـلام
والتحية لشاعر في القصيد مـــا اعذبه

وسلامتكم والعذر في القصور والكسور

يسلم الشاعر سمو المشاعر
صح لسانك إلى الأمام يانااااصر
لا عدمناك يابعدي

أحاول اجاريك
..

ياهلا باللي كتب أحلى الكلام
عزوة اللي ما تغير مذهبـــه

مارضى بالظلم نفسه بالسلام
ماحصل بالشام نكّــد مشربه

إنتهى وقت القصايد بالغرام
وابتدا سبك البيوت المرعبه

المشاعر كلها صارت حسام
والسمو الفكر ولّع كهربــه

شد قوسك صوّبه تحت الحزام
واحشر السفااااااح داخل ملعبـه

ركز البارود في راس الخمام
مع كتوفه دوس الإبره والهبه

ولا يهج النذل في جنح الظلام
سل سيفك فوق راسه واضربه

ولا يهمك من تلثم باللثـام
دس سيفه في جفيره واحجبه

لاانكسر لك حرف يانجل الكرام
التجارب هي أساس الموهبـــه

شكراً سمو المشاعر

تحيتي وتقديري

الضومري