| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#31
2011-10-16, 01:55 PM
|
||||
|
||||
اقتباس:
حياك اخي نور الكون اضافة مميزة تنم عن احوال البحر ومايجول بداخله بعد ارتفاع الامواج وهيجان البحر سواءً ضرب الأحيمر او لم يضرب فالمناطق ليست كلها تحت الضربة وبعد السماك تدب الحياة في الشعاب اللي قبل الحيد لأنها جلست فتره وهي مابين مد خفيف وجزر قوي تدخل الأسماك الطايره اللي ذكرتها كالبياض نسميها طايرة لأنها دائم تسبح على علووتكون قريبه من السطح اكثر من القاع وتأكل الاسماك الصغيره امثال الوزف صغار الساردين والهطبل صغار العربي معاد فيه تحكير للسمك الحيد كله مفتوح عدا المناطق اللي انت ذكرتها المداخل الكبيره الحلوق يدخل منها اسماك ابوقرن والحريد والذكار بمجموعات ضخمة سبحان الله ياهو منظر يرعى مثل ماترعى الضان يتغذى على الطحالب وانواع من النباتات البحرية ومن شدة رعيه في تلك المنطقة ترى ان البحر يطبخ وتلقى اذنابه في الأعلى ومتنكس على راسه اوقات طيبه للشباك الشوار والصخاوي القراقير نوع من انواع الحريد  اسماك ابوقرن والبعض يسميها الرهو لاكانت صغيره  تلك الفترة تعاود السفن الشراعية رحلاتها وقد ابتعدت عن الخطر ولله الحمد ويكثر الضباب عميش لاترى اكثر من 100 متر ويكون في ساعات الصباح الأولى وبعد ماتحمى الشمس يرتفع لأعلى للطبقات المنخفضة وتكثر السحب على المرتفعات هذا والله اعلم واحكم = اقتباس:
اولاً لخوفهم من الهبوب القوي وثاني شي في امطار تبكر في ذلك الوقت ويبقون اهل الأشوره يفردون في المذاري في الحلوق المقابله للبر وتعتبر اشورة غزير وانا كنت اقصد حروف البر الاشوره العادية اللي ماتعدى مترين هذة المنطقة اللي انت وضعتها مثال للمناطق اللي كانت السواعي تذرى فيها اشكرك من الاعماق على اضافتك الطيبه اقتباس:
اقتباس:
الرموة والوزف والرقطه هي صغار السردين تكثر في الايام الشتوية الباردة طبعاً هذة لها مناطق تحتمي فيها من الاسماك الكبيره ودايم تقرب من العروق والطحالي الشعاب والمياه الضحله الغير غزيرة اللي هى البطان السردين يدخل مع الغبشة الفجر للسواحل خوفاً من الاسماك الكبيره اللي تاكل الحي والميت وتدخل معاه اسماك تتغذى منه كالبياض وانواعه الاسماك الطياره  وبالمسيه قبل الغروب يرجع للغزير ويتجمع على بعضه ويدور بحول نفسه بطريقه لولبيه مثل الاعصار القمعي ويخرج منه ضوء فسفوري وهذا طريقة الحماية عنده للبقاء وفي نفس الوقت ياكل العوالق البحريه الموجوده ويجعل الاسماك الكبيره تبتعد عنه من هول المنظر  طريقة صيدها بالمخدجة وهى شباك صيد تقذف باليد  ومنها انواع لكل نوع من الاسماك مثل البلميه تجي عيونها صغار جداً عمياء تلم الاسماك الصغيرة  ولها حبال من الداخل تسحب للتجميع والقفل  والبعض لا حسب المنطقه اللي انت تخدج فيها ونوع السمك والسردينيه تجي عيونها اكبر وغالباً السردين يشك فيها يعني رووسه تدخل في عيون الشبكه وتنقطع رووسها ومايفضلونها اللي يبغيه لعف حي يعني سردين حي والعربيه عيونها اكبر وتستعمل لخدج الاسماك الكبيره مثل العربي البوري والاسماك الاخري اما سيجان او حريد في المناطق القريبه من الساحل السردين غذاء صحي وله فوائد كثيره وخاصة للي عندهم نقص في الفيتامينات والكالسيوم ويسميه البعض بكافيار الفقراء هذا والله اعلم
|
| أدوات الموضوع | |
| انواع عرض الموضوع | |
|
|
العرض الشجري