فوق هام السحب ياأغلى وطن

[ندى الورد]

الله يعطيك العافيه أم فهد
كما قال الامير سعود بن بندر بن محمد يرحمه الله:

مشتاق لك يا كل ما في بلادي
شوق الرياض للسيل وادي حنيفه

رغم الفراق وطول وقت البعادي
حبك يزيد ولهفتي لك عنيفه

ولهان لك وله الحضر والبوادي
لخضرة ربيع ضاحك الوجه ريفه

عطشان اشوفك مثل ما كل وادي
ثراه ظامي للحيا عقب حيفه

يا نجد لك منزل بداخل فؤادي
يشبه جبال طويق هاك المنيفه

يا ليت والله ديرتي في مرادي
أوليت قلبي دايم يطيع كيفه

لو هو بودي ما يطول ابتعادي
ليالي الفرقا تراها مخيفه