مطاردة لسحابة من صيف هذا العام -----------((ابوفيصل))

[أبو فيصل]

السلام عليكم ورحمة الله وبركاته

صور رائعه أخوي أبو فيصل

وعقبال تصور لنا أمطار جده

يعطيك ربي العافيه

وعليكم السلام ورحمة الله وبركاته

ياهلا ومرحبا يابو سامي

جزاك الله خير على ردك الجميل

والله يرزقنا واياكم وجميع الديار الغيث النافع
انه مجيب ذالك و القادر عليه

================================



--------------------------------------------------------------------------------

الله يعطيك العافيه يابوفيصل كني راكب معك مشاءالله عليك
طريقة سردك جميله وهذا ماجعل الموضوع جميل بالرغم انه مافيه سحاب او مطر يذكر
لكن الله كريم استعد الخير بالطريق
قل امين ان الله يرزقكم مزن ترفع رأسك ولاتلحق على اطرفه وعرضه من الطائف الى ينبع
مزن من شدة عظمته يشق السدا ويسبقه والبرق فيه ترقبه تحتار في مكانه
والرعد مبحوح والوبل صبيب والهواء راكد واذ تعدت شوي تصد له شرقيه ثم استمر الوبل
بدا من المغرب ولا وقف الا بعد صلاة العشاء ثم طلعت النجوم ولاح برق من الغرب مره ثانيه
ثم اردف ثم اشتعل ثم وصل وهل واستهل ثم تبعه ديمه الى بكره الظهر ثم اسفرت وانورت وزرقت السماء ثم ظهرت خشوم المزن من الغرب تحك الارض حك يحتار المستخيل هي جبال نفيض او خشوم مزن الحمل زائد والمطر غزير فرصة المصورين
تستاهل

ياهلا ومرحبا يابو محمد
والله انك صادق سبحان الله الامطار الي عليها الكلام كانة على مناطق نائيه
جبال عاليه و اودية سحيقة (( مناطق شديدة الخطورة ))

والحمد لله على كل حال

ماشا الله عليك يابو محمد
وش هذا الوصف الرائع والله اني سرحت وسرت في دنيا ثانيه
الله يرزقنا واياكم مثل الي في وصفك واحسن

وابشر ان شا الله بالتغطيات اذا الله عطانا عمر وعافيه

جزاك الله خير يابومحمد
وتقبل تحيتي
اخوك
ابوفيصل