******تكتب اسم شاعر واللي بعدك يكتب لهذا الشاعر *******

[مزون الغربية]

احدن تنومس رفقته وافتخر فيه
واعتز في عرف السنافي وشرواه
واحدن سروري يوم اغادر حراويه
ارتاح واسلى وانبسط عقب فرقاه
واحدن ليا منه زعل ودي ارضيه
واحدن زعله احب عندي من رضاه
واحدن سوى لانيب اسبه ولا اغليه
ان رضي عادي وان زعل مانشدناه
والطيب يطلع في النشاما مواريه
يظهر على الرجال شكله ومعناه
اما شجاع والظفر في هقاويه
والا كريم تفعل الجود يمناه
ومن طاع ربه فاز وادرك مناويه
ومن خالف امره خسر دينه ودنياه

إلي بعدي قصيده
الشااعر *** سعد بن جدلان**