التعليمـــات |
التقويم |
|
|
أدوات الموضوع | انواع عرض الموضوع |
#1
|
|||
|
|||
!!! كشتتنا لروضة ملهم !!! (( صور + فديو + هدية ))
السلام عليكم ورحمه الله وبركاته حياكم الله وياهلابكم ويسعدني تواجدكم المعذره تأخرت في انزال التقرير لاني اول ماسجلت انتظر التفعيل وثم نسيت وتوني انتبه للتفعيل (( وش رايكم نخلي الرسميات ونقلب عامي مهوب احسن؟)) هذي ياطويلين العمر كشتتنا يوم الخميس اللي فات 1432/3/14هــ قائد الرحلة الشيخ فياض الفياض ((ابوعبدالعزيز)) مساعد القائد سلطان الاحيدب ((ابوعبدالعزيز)) أمير الرحله عبدالعزيز الفياض (( ابوعبدالعزيز)) ومن خلف العدسه محدثكم عزام الحميضي (( ابوعبدالرحمن )) ماتلاحظون كلهم فيهم عبدالعزيز الا انا ؟ تهىء تهىء امزززززح تم الانطلاق من شقراء صباحا مايقارب الساعه السابعه (( ابوعبدالعزيز فياض + ابوعمر + انا )) قام ابوعبدالعزيز بتجهيز كاااامل العدة ومستلزمات الكشته (( من الى )) بيض الله وجهه والله يعطيه العافيه وعلمه غانم ومشينا طبعا فيه هنا واحد الله يهديه حاط احداثيه غلط جابت لنا العيد شوي هههههه زادت علينا خميس كيلو رايح وخمسين راجع لكن سجلنا الاحداثيه الصح وانت جنب كفرات الروضه يعني افلقني تغلط هع (( الاحداثيه في القارمن وماهيب حولي الحين لكن بحاول الحقها في الموضوع هنا والا اللي يبيها يعطيني خبر بالخاص ويبشر بها )) ووصفها سهل جدا (( اللي طالع من الرياض يجي مخرج الامن ويتعداه ويتعدا مخرج بنبان واللي بعده ثم بيجيك معبر جمال اطلع معه ثم تياسر -- يعني امش شمال شرق -- تقريبا 800 متر او كيلو بتلاقي ردميه كلها بطانيج امسكها او بارها وسيييييده الى ان تطب في الروضه )) المهم مشينا وقابلنا سلطان عند معبر الجمال وركب معنا وتوجهنا للروضه وتم اختيار المكان واترككم مع الصور وراح يتم التعليق على كل صوره باللي نقدر عليه وتحملونا على كثرة الصور -------------------------------------------------------------------- ابوعمر يحتل مكان المشب :D وبداية التجهيزات والامور الطيبه الله الله -- واحد من الاصدقاء يقول (( لاوصيك ياعزام ارع فيها ههههههههههه )) سلطان و ابوعمر في مهب الريح :D جعلكم سالمين ايوووووووه هناااا الكلام وكنيز منزلي ياسلااااام ،، تسلم والله يابوعبدالعزيز وتجهيز القهوة اللي ترن في الراس :good2: الله الله ياسلاااام ثم هاك الشاهي اللي يرن في الراس <<<< يسممع بالوصف هههههههههههههههه دم غزال ،، صح والا يابوعبدالعزيز ؟ :good2: بعدها الاستمتاع بالاجواء الرائعه يتبع الرجاء عدم الرد الى ان انتهي
|
#2
|
|||
|
|||
ابوعمر وجلسة استمتاع ويوقه ملهميه وبدو الشباب الله يعطيهم العافيه على جهودهم التجهيز للغدا ابوعمر يحرس لحيمة الحاشي ،، صح والا لا يابوعمر؟ هههههه الله يقويك يابوعبدالعزيز وبيض الله وجهك علوم طيبه وغانمه تسلمممم يدينك يابوعبدالعزيز عليك بالعافيه يابوعمر كفو يابوعمر كفو ماشاء الله ابوعمر لحظه لحظه وش انت ناوي عليه ؟؟ نبي نشوف وشو ناوي عليه في صوره بتجيكم <<<<<< يبي ينطق ههههههههههههههههههه ياسلام ياسلااام اووووووووه يالقاضي دعايه جتك تمشي مليووون للبيرق ههههههههههههه يتبع الرجاء عدم الرد الى ان انتهي
|
#3
|
|||
|
|||
نرجع للغدا لايحترق <<<<<< برااااا يعطيكم العافيه ياسلام ياسلااااام ياسلاااام <<<< طيب وبعدين؟؟ والحين ناخذ لنا كم فرره بالصور الى ان يجهز الغدا <<<<< ياحليله عايش الجو خخخخخخخخخخخ والحين نشوف ابوعمر وش كان ناوي عليه ههههههههههههههه وين على الله يارايح وين ؟ يطيعك قلبك تطير وتخلينا يابوعمر؟ <<<<< ماقلت لكم انه عايش الجو خخخخخخخخخخخخ وتقطع السلطه على السريع ايوه ايوه ايوه هنا الكلاااااااااام تسلم يابوعبدالعزيز والله يحرم هاليدين عن النار يتبع والرجاء عدم الرد الى ان انتهي من التقرير
|
#4
|
|||
|
|||
استراحة قائد الرحله والقائم عليها الشيخ فياض الفياض ابوعبدالعزيز بعد الجهد الكبير اللي سواه والعلوم الغانمه والطيبه والكرم،، بيض الله وجهه وكفى ووفى واللي يبي هذي الصوره بحجم كبير عشان يحطها خلفيه لسطح المكتب ::اضغط هنا للحصول على الحجم الكبير:: وفيه مقطع فديو سويته في فديو مع الصور اتمنى انه ينال الاعجاب https://www.youtube.com/watch?v=OP0MBiGo99w [YOUTUBE]OP0MBiGo99w[/YOUTUBE] اتمنى ان ينال الاعجاب المقطع ويسعدني تقيمكم له على اليوتيوب وبالنهايه كان معكم من خلف العدسه وكتابة التقرير اخوكم عزام الحميضي تسمحون احط لي صوره؟ :D شكرا الشيخ فياض الفياض ابوعبدالعزيز شكرا سلطان الاحيدب ابوعبدالعزيز شكرا عبدالعزيز الفياض ابوعمر اعتذر ان كان فيه تكرار للصور او لو نسيت صور نظرا لكثرتها واعتذر ان كان فيه اي اخطاء او في ترتيب الصور الكميره المستخدمه NIKON D300 العدسات 20-10 Sigms FishEye 10,5 NIKON MACRO 105 VR Sigma 170-500 وفيه بعض الصور بالايفون فور والفديو بالايفون فور والى لقاء اخر في مكشات اخر وان شاء الله تكون التقارير القادمه افضل وافضل انتهى ولكم جزيل الشكر
|
#5
|
||||
|
||||
تسلم على التقرير الرائع أخي عزام بارك الله فيك ،،
|
#6
|
|||
|
|||
تسلم اخوي عزام لقد امتعتنا بالرحلة الجميلة والربيع الطيب
|
#7
|
|||
|
|||
تسلم على التقرير الأكثــر من الرائع
|
#8
|
|||
|
|||
ماشاء الله تبارك الرحمن
|
#9
|
||||
|
||||
|
#10
|
||||
|
||||
ماشاء الله تبارك الله والله يجمعكم بالخير ولا يفرقكم الصراحة ماأقدر أقول شي مصور محترف + جمعة طيبه + الخضرة + الأسلبوب الحسن = من أفضل التقارير التي شاهدت وتستحق من عندي ( 10%10 ) أشكرك على التقرير والصور الأروع تقبل مروري ومرحباً فيك بشبكة البراري أخوك أحمد العبد المحسن المسند المجمعة
|
أدوات الموضوع | |
انواع عرض الموضوع | |
|
|