@@ ياصغير السن @@

[الذعذاع]

بسم الله الرحمن الرحيم
السلام عليكم ورحمة الله وبركاته

قصيده للشااااعر المميز والرااااائع / فهد المسااااااعد
بصووووت / ناصر الرزيني

اترككم مع الشيله والقصيده

اتمنى انها تعجبكم
مع خااااالص تحيااااتي

https://www.youtube.com/watch?v=Lc8gr0ViP4k





ياصغير السن قدرك طاحت ابراجه
الجرح خلا الصخر ينطق ونطقنـي

خلاص ماعاد تعنينـي ولاحاجـه
رح جعل ربـي يوفقـك ويوفقنـي

من بعد ماكنت نور القلب واسراجه
اليوم صرت الظلام اللي يطوقنـي

عطيتك أكثر من اللي كنت تحتاجه
وأسرفت بالحب لين الحب وهقنـي

خلاص مالي ومال الحب وإزعاجـه
مالي ومال الدروب اللي تضايقنـي

تعبت اضم البحر واهدي أمواجـه
تعبت أجامل واشوف الوقت يسرقني

شكواي للي عليه الضيق وفراجـه
اللي إذا شـاء يرحمنـي ويرزقنـي

أما أنت يأبو جبين عقـد حجاجـه
لاعاد تسأل علامك منت طايقنـي

الناس كلن على دربـه ومنهاجـه
وأنا عن الناس مابه شـي يفرقنـي

إلا اني دايم أحب الصدق وأواجـه
مخلوق والله على هالوضع خالقنـي

حتى رفيقي ضماد القلب وإعلاجـه
على كثر ماتمسك فيـه صدقنـي

لو ادري انه مرافقني علـى حاجـه
لأمسكه حاجته وأقـول فارقني